ສະໄໝນີ້ບໍ່ວ່າເດັກນ້ອຍ ຜູ້ໃຫຍ່ ກໍມັກນິຍົມຈະນອນເດິກໆກັນສາເຫດອາດມາຈາກເວລາໃນການເຮັດວຽກ, ການຮຽນ ຫລື ອື່ນໆ ເຊິ່ງອາດບໍ່ເຄີຍຮູ້ກັນມາກ່ອນເລີຍວ່າຖ້ານອນເດິກໆຕິດກັນເປັນເວລາຍາວອາດເຮັດໃຫ້ພະຍາດຕ່າງໆ ຖາມຫາ ແລະ ເປັນອັນຕະລາຍຕໍ່ສຸກຂະພາບໄດ້ ເຊິ່ງ16 ຂໍ້ທີ່ຈະກ່າວຕໍ່ໄປນີ້ ເປັນອາການທີ່ຕາມມາຫຼັງຈາກທີ່ທ່ານນອນເດິກ
1. ເຈັບຫົວ ມີຄົນຈຳນວນເຖິງ 58% ທີ່ນອນເດິກແລ້ວມີອາການເຈັບຫົວຕາມມາຈາກການພັກຜ່ອນບໍ່ພຽງພໍ
2. ສາຍຕາບໍ່ດີຄືເກົ່າ ເພາະອາດເກີດອາການປະສາດຫຼອນຈາກການນອນນ້ອຍ
3. ອາລົມບໍ່ດີ ມີອາການຫງຸດຫງິດ ເນື່ອງຈາກນອນບໍ່ພໍ
4. ນ້ຳໜັກຂຶ້ນ ເພາະຮໍຣ໌ໂມນມີການປ່ຽນແປງ ເຮັດໃຫ້ຢາກກິນອາຫານຫລາຍຂຶ້ນ
5. ລະບົບການຮຽນຮູ້ຫຼຸດລົງ ການນອນບໍ່ພຽງພໍຈະເຮັດໃຫ້ຄວາມຈຳ ແລະ ການຮຽນຮູ້ຫຼຸດລົງ
6. ອາການຕອບສະຫນອງຊ້າ ການຕອບສະຫນອງຈະເຮັດໄດ້ຊ້າກວ່າປົກກະຕິ
7. ພະຍາດຫົວໃຈ ອາດເຮັດໃຫ້ເກີດຄວາມດັນສູງເພາະພັກຜ່ອນໜ້ອຍ ສ່ຽງຕໍ່ການເປັນພະຍາດຫົວໃຈ
8. ສະມາທິສັ້ນ ເພາະນອນບໍ່ພໍ ຈິດໃຈຣະວົນກະວາຍ
9. ຕິດພະຍາດງ່າຍ ພູມຄຸ້ມກັນຫລຸດລົງ ເພາະຮ່າງກາຍອ່ອນເພຍ
10. ເຮັດວຽກຜິດພາດ ເພາະເກີດອາການຢາກຫຼັບ(ງ່ວງ)ໃນລະຫວ່າງເຮັດວຽກ
11. ມີກິ່ນປາກ ຜົນການວິໄຈບອກວ່າຄົົນທີ່ນອນນ້ອຍຈະມີກິ່ນປາກ ແລະ ມີໂອກາດເວົ້າຕິດອ່າງອີກດ້ວຍ
12. ເປັນຫວັດງ່າຍ ການພັກຜ່ອນນ້ອຍເຮັດໃຫ້ສ່ຽງຕໍ່ການເປັນຫວັດງ່າຍກວ່າຄົົນທີ່ພັກຜ່ອນພຽງພໍເຖິງ 3 ເທົ່າ
13. ເກີດອາການຈິດຕົກ ເພາະຕອນກາງຄືນບໍ່ໄດ້ນອນ ສົ່ງຜົນຕໍ່ອາລົມຄວາມຮູ້ສຶກ
14. ເກີດຄວາມສ່ຽງເວລາຂັບຂີ່ ເປັນອັນຕະລາຍຫລາຍ ເພາະອາດເກີດອາການຫຼັບໃນໄດ້
15. ອັນຕະລາຍເຖິງຊີວິດ ຫາກນອນບໍ່ຫຼັບແບບຊຳເຮື້ອ ເປັນອັນຕະລາຍເຖິງຂັ້ນເສຍຊີວິດໄດ້
16. ຄວາມຈຳເສື່ອມ ສ່ຽງຕໍ່ການເປັນພະຍາດອັນໄຊເມີຣ໌ ເພາະນອນບໍ່ພໍເປັນເວລາດົນ
