ຄ່ຳຄືນຂອງວັນທີ 25 ມີຖຸນາຜ່ານມານີ້, ເດິພິດຊາ ຄອມປານີລາວ (The Pizza Company Laos) ໄດ້ຈັດງານສະເຫລີມສະຫລອງວັນຄົບຮອບ6 ປີຂອງຮ້ານພິດຊາ ແລະ ຄັດເລືອກນາງສາວສະເວັນເຊັນ ໄອດໍ 2016,ເພື່ອຄືນກຳໄລໃຫ້ລູກຄ້າທີ່ເຂົ້າມາໃຊ້ບໍລິການຢ່າງຫລວງຫລາຍໃນໄລຍະຜ່ານມາ, ດັ່ງນັ້ນ ທາງຮ້ານພິດຊາ ຈຶ່ງໄດ້ຈັດໃຫ້ມີການຈັບສະຫລາກເລືອກເຟັ້ນຫາລາຍຊື່ຜູ້ໂຊກດີຈາກໃບຊິງ ໂຊກ, ທີ່ລູກຄ້າໄດ້ຂຽນຊື່ ແລະ ທີ່ຢູ່ແລ້ວປ່ອນລົງກ່ອງຮັບໃບຊິງໂຊກທີ່ມີຢູ່ຕາມຮ້ານພິດຊາທຸກສາຂາ, ຊຶ່ງມີຫລາຍກວ່າລ້ານໃບ, ໂດຍການເລືອກເອົາພຽງແຕ່ຜູ້ໂຊກດີ 3 ຄົນເທົ່ານັ້ນ ແລະ ໃນຕອນທ້າຍກໍໄດ້ຜູ້ໂຊກດີເປັນທ່ານ ວັດທະນະສິນ ປະພາສິດ ໄດ້ຮັບລາງວັນລົດໃຫຍ່ Ford Fiesta, ທ່ານນາງ ສົມຫວັງ
ອ້ວນວິໄລ ແລະ ນາງ ມະນີລັດ ລາດສະວົງ ໄດ້ຮັບປີ້ຍົນໄປກັບ ວຽງຈັນ-ພູເກັດ ແລະ ວຽງຈັນ-ສະໝຸຍ, ໂດຍເຄື່ອງບິນ Bangkok Airway.ສຳລັບການປະກວດນາງສາວ ສະເວັນເຊັນ ໄອດໍ 2016 ໄດ້ແກ່ນາງ ພອນທິດາ ຍົດສົມບັດ ອາຍຸ 20 ປີ, ສຶກສາຢູ່ມະຫາວິທະຍາໄລແຫ່ງຊາດ, ສາມາດຄອງຕຳແໜ່ງນາງສາວສະ ເວັນເຊັນ ໄອດໍ ປີ 2016 (Miss Swensen's Idol 2016).ທີ່ມາແຫຼ່ງຂ່າວ ລາວພັດທະນາ
