ໝາກຍໍເປັນຕົ້ນໄມ້ທີ່ຖືວ່າ ເປັນໄມ້ມົງຄຸນ ນິຍົມປູກໃນບໍລິເວນບ້ານ ເຊິ່ງຕາມຕຳລາແນະນຳໃຫ້ປູກທາງທິດຕະເວັນຕົກສຽງເໜືອ ເພື່ອເປັນເຄັດວ່າຈະໄດ້ຮັບການສັນລະເສີນ ຍ້ອງຍໍ
5 ສັບພະຄຸນສຳຄັນຂອງໝາກຍໍມີດັ່ງນີ້:
1. ແກ້ທ້ອງອືດ ແໜ້ນໜ້າເອິກ
ຄົນສະໄໝນີ້ທ້ອງອືດກັນຫຼາຍ ອາດເປັນເພາະການກິນອາຫານທີ່ຍ່ອຍຍາກ ຫລື ເຢັນເກິນເໄປເຮັດໃຫ້ ອຶດອັດທ້ອງ ນັ່ງກໍບໍ່ໄດ້ ນອນກໍບໍ່ສະບາຍ ຖ້າເອົາມືເຄາະທ້ອງຈະມີສຽງດັງບຶກໆ ລອງໃຊ້ໝາກຍໍ (ທີ່ປຸກໄວ້ໃນບ້ານ) ແກ້ບັນຫາເຫຼົ່ານີ້ເບິ່ງ ຮັບຮອງໄດ້ຜົນ
ໂດຍໃຊ້ໝາກຍໍສຸກເທົ່າກຳປັ້ນ ຈໍ້າເກືອກັບນ້ຳຕານ ກິນ 3 ເວລາກ່ອນອາຫານປະມານ 1 ອາທິດ ອາການປວດທ້ອງຈະດີຂຶ້ນ
2. ແກ້ວິນວຽນ
ໃຊ້ໝາກຍໍແກ່ນຳມາຝານບາງໆຕຳໃສ່ມະນາວ ກະທຽມ ພິກ ເກືອ ກິນເປັນປະຈຳ ຈະບໍ່ຄ່ອຍວຽນຫົວ ເຮັດໃຫ້ເລືອດລົມໝຸນວຽນດີ
3. ເບື່ອອາຫານ
ນຳໝາກຍໍແກ່ມາຊອຍບາງໆ ໃສ່ໂຖໄວ້ ແລ້ວຕົ້ມນ້ຳເກືອພໍເຄັມ ນຳມາໃສ່ໃຫ້ຖ້ວມສູງຈາກໝາກຍໍ 3 ຂໍ້ມື ດອງໄວ້ 3 ຄືນ ຖອກນ້ຳມາກິນເທື່ອລະເຄິ່ງຈອກ ມື້ລະ 3 ເທື່ອ ກ່ອນອາຫານ ແລະ ກ່ອນນອນ
4. ປວດຂໍ່
ໃຊ້ໃບໝາຍໍຕຳຄັ້ນນ້ຳ ທາແກ້ພະຍາດເກົ້າ ປວດຕາມຂໍ່ ນິ້ວມື ນິ້ວຕີນ
5. ປະຈຳເດືອນຂັດ
ຜູ້ຍິງທີ່ປະຈຳເດືອນຂັດ ຂາດຫາຍ ໃຊ້ໝາກຍໍຄ່ອນຂ້າງແກ່ 3-4 ໜ່ວຍເຮັດເປັນຕຳສົ້ມກິນມື້ລະ 1 ເທື່ອ ຈົນປະຈຳເດືອນມາຕາມປົກກະຕິ
*** ແຕ່ໝາກຍໍເປັນອັນຕະລາຍຕໍ່ຄົນເຈັບພະຍາດຫມາກໄຂ່ຫລັງ ຫ້າມຮັບປະທານເດັດຂາດ
CR: KIDORK.COM
