ແຈກສູດໄຂ່ເຄັມເຮັດກິນເອງໄດ້ ເຮັດຂາຍກໍດີ!!

YoulikeLao 29.6.16

ຂໍແນະນຳວິທີເຮັດໄຂ່ເຄັມກິນເອງແບບງ່າຍໆ ຄົນມັກກິນໄຂ່ເຄັມຕ້ອງລອງເຮັດເບິ່ງເດີ!!

1. ລ້າງໄຂ່ເປັດໃຫ້ສະອາດ

2. ເອົາດິນໜຽວທີ່ທຸບລະອຽດມາໃສ່ກະຊາມທີ່ກຽມໄວ້ ຕັກດິນໜຽວໃສ່ກະຊາມ ປະມານ 3 ຖ້ວຍ ຈາກນັ້ນເທນ້ຳລົງໄປປະສົມກັບດິນ ຄົນໃຫ້ເຂົ້າກັນຈົນໜຽວ

3. ໃຊ້ຖ້ວຍຕັກເກືອໃສ່ລົງໄປອີກ 1 ຖ້ວຍ ປະສົມເກືອກັບດິນໜຽວໃຫ້ເຂົ້າກັນ

4. ນຳຂີ້ແກບດຳ(ຂີ້ແກບທີ່ນຳມາເຜົາໄຟ)ໃສ່ລົງໄປໃນກະຊາມເປົ່າ ຈາກນັ້ນນຳໄຂ່ເປັດທີ່ລ້າງແລ້ວໃສ່ລົງໄປໃນກະຊາມທີ່ປະສົມເກືອກັບດິນໜຽວ ແລະ ຍ້າຍໄປໃສ່ກະຊາມທີ່ມີຂີ້ແກບດຳຢູ່ ຄົນຂີ້ແກບດຳໃຫ້ຫຸ້ມໄຂ່ເປັດ ໂດຍບໍ່ໃຫ້ເຫັນດິນທີ່ຫຸ້ມໄຂ່ຢູ່

5. ນຳໄຂ່ທີ່ປັ້ນສຳເລັດແລ້ວໃສ່ຖົງຢາງປຼາສະຕິກ ຂະໜາດ 4 x 6 ຫຼັງຈາກນັ້ນ ປິດໃຫ້ຮຽບຮ້ອຍ

6. ຈາກນັ້ນ ໃຫ້ນັບຈາກມື້ທີຜະລິດໄປອີກ 7 ມື້ ໄຂ່ຈະເລີ່ມມີຄວາມເຄັມຂຶ້ນເລື້ອຍໆ ຈົນມີຣົດຊາດພໍດີ ຊຶ່ງນຳໄປບໍລິໂພກເປັນໄຂ່ດາວເຄັມໄດ້ ຫລື ຈະລໍຖ້າໃຫ້ຄົບ 2 ອາທິດ ແລ້ວນຳໄປຕົ້ມກິນໄດ້ເລີຍ

ທັງນີ້ ໄຂ່ເຄັມສາມາດຢູ່ດົນໄດ້ເຖິງ 3 ເດືອນ ນັບຈາກວັນທີຜະລິດ ຊຶ່ງຖືວ່າຢູ່ໄດ້ດົນກວ່າການເກັບໄຂ່ແບບສົດໆອີກ

CR: http://www.kidork.com/