ອີງຕາມຂໍ້ມູນຂອງພະແນກ ແຜນການ ແລະການລົງທຶນແຂວງ ໃຫ້ຮູ້ວ່າ: ໃນໄລຍະ 6 ເດືອນ ສົກປີ 2015-2016 ສາມາດດຶງດູດ ການລົງທຶນຂອງເອກະຊົນພາຍໃນ
ແລະຕ່າງປະເທດ ໄດ້ທັງໝົດ 183 ໂຄງການ, ມູນຄ່າ 318 ຕື້ ກວ່າກີບ, ໃນນັ້ນກິດຈະການສຳ ປະທານມີ 2 ໂຄງການ ມູນຄ່າ ທັງໝົດ 40 ຕື້ກີບ, ປະກອບມີໂຄງ ການສຳປະທານແຫຼ່ງທ່ອງທ່ຽວ ຕາດຮ້ອຍຄົວ (ເມືອງຈອມເພັດ) ມູນຄ່າ 8 ຕື້ກີບ ແລະໂຄງການ ຕິດຕັ້ງເຄື່ອງຈັກປັ່ນໄຟຟ້າໃສ່ຊົນ ລະປະທານນ້ຳແສງ ມູນຄ່າ 32 ຕື້ກີບ, ນອກຈາກນັ້ນ ຍັງໄດ້ເຊັນບົດ ບັນທຶກຄວາມເຂົ້າໃຈ (MOU) ຂອງໂຄງການສຳຫຼວດເຂື່ອນໄຟ ຟ້ານ້ຳມິ່ງ, ສຳລັບ ກິດຈະການທົ່ວ ໄປມີທັງໝົດ 181 ໂຄງການ ມູນ ຄ່າ 278 ຕື້ກວ່າກີບ, ໃນນັ້ນ ການ ລົງທຶນຂອງເອກະຊົນພາຍໃນມີ 160 ໂຄງການ, ມີມູນຄ່າ 219 ຕື້ກວ່າກີບ, ການລົງທຶນຂອງເອ ກະຊົນຕ່າງປະເທດ ມີ 14 ໂຄງ ການ ມູນຄ່າ 22 ຕື້ກວ່າກີບ ແລະ ການລົງທຶນຮູບແບບປະສົມ ມີ 7 ໂຄງການ ມູນຄ່າ 37 ຕື້ກີບ.
ສ່ວນການລົງທຶນຂອງລັດທີ່ ຂຶ້ນກັບຂັ້ນສູນກາງແຕ່ມາຈັດຕັ້ງ ປະຕິບັດ ຢູ່ຂັ້ນແຂວງ: ມີທັງໝົດ 25 ໂຄງການ ມູນຄ່າ 460 ຕື້ ກວ່າກີບ, ມູນຄ່າຊຳລະຜ່ານມາ 124 ຕື້ກວ່າກີບ ຊຶ່ງໂຄງການດັ່ງ ກ່າວບັນຈຸຢູ່ໃນ 3 ຂົງເຂດຄື: ຂົງເຂດເສດຖະກິດມີ 11 ໂຄງການ ມີມູນຄ່າທັງໝົດ 408 ຕື້ກວ່າກີບ, ມູນຄ່າຊຳລະຜ່ານມາ 111 ຕື້ກວ່າກີບ, ຂົງເຂດວັດທະນະທຳ-ສັງຄົມມີ 8 ໂຄງການມີມູນຄ່າທັງໝົດ 22 ຕື້ກວ່າກີບ, ມູນຄ່າຊຳລະ ຜ່ານມາ 4,10 ຕື້ກີບ, ແລະຂົງ ເຂດສຳນັກງານຫ້ອງການ ແລະອື່ນໆມີ 6 ໂຄງການ ມີມູນຄ່າທັງ ໝົດ 29 ຕື້ກວ່າກີບ, ມູນຄ່າຊຳລະ ຜ່ານມາ 8,98 ຕື້ກີບ.
ສຳລັບ ການຊ່ວຍເຫຼືອລ້າ ແລະກູ້ຢືມ ໃນ 6 ເດືອນຜ່ານມາ ແຂວງຫຼວງພະບາງໄດ້ຮັບການຊ່ວຍເຫຼືອລ້າ ແລະກູ້ຢືມທັງໝົດ 118 ໂຄງການ ມູນຄ່າ 22,7 ລ້ານໂດລາ, ເປັນທຶນຊ່ວຍເຫຼືອລ້າ 114 ໂຄງການ, ມູນຄ່າ 3,7 ລ້ານໂດລາ, ໃນນັ້ນ ທຶນສົມທົບພາຍໃນ 23 ໂຄງການ ມູນຄ່າ 2,34 ແສນໂດລາ ແລະທຶນກູ້ຢືມ 4 ໂຄງ ການ ມູນຄ່າ 19 ລ້ານໂດລາ.
