ພົບກັນກັບທ້າວ Ziona Chana ເປັນທີ່ເມຍຫຼາຍເຖິງ 39 ຄົນ ລູກອີກ 94 ຄົນ ແລະຫຼານອີກ 33 ຄົນ ສະມາຊິກລວມທັງໝົດ 181 ຄົນ ກາຍເປັນຄອບຄົວທີ່ໃຫຍ່ທີ່ສຸດໃນໂລກ
ທ້າວ Ziona Chana ບອກກັບສໍານັກຂ່າວ The sun ວ່າ ລາວຮູ້ສຶກຄືເປັນລູກຄົນພິເສດຂອງພະເຈົ້າ ແລະພະເຈົ້າໃຫ້ລາວມີໂອກກາດໄດ້ເບິ່ງແຍງຄົນຢ່າງຈຳນວນຫຼວງຫຼາຍ ລາວຖືວ່າລາວເປັນຄົນທີ່ໂຊກຫຼາຍທີ່ໄດ້ເປັນສາມີຂອງເມຍທັງ 39 ຄົນ ແລະເປັນເສົາຫຼັກຂອງຄອບຄົວທີ່ໃຫຍ່ທີ່ສຸດໃນໂລກ
ເລື່ອງນີ້ບໍ່ມີບັນຫາເພາະພວກເຂົາທັງໝົດໄດ້ອາໃສຢູ່ໃນແມນຊັ້ນຂະໜາດໃຫຍ່ຈຳນວນ 100 ຫ້ອງ ເທິງເນີນເຂົາຂອງໝູ່ບ້ານ Baktwang ໃນລັດມິໂຊລໍາ ທີ່ປະເທດອິນເດຍ
ເມຍທັງ 39 ຄົນ ຈະອາໃສຢູ່ໃນຫ້ອງດຽວໃຫ້ບັນຍາກາດຄືກັບນອນໃນຫ້ອງພັກ ມີການຈັດວາງລະບົບຫ້ອງໄວ້ຢ່າງດີ ແລະຍັງມີການຕັ້ງກົດລະບຽບໃນຄອບຄົວນຳ, ເຊິ່ງມີກົດວິໃນຢ່າງເຂັມງວດຄ້າຍຄືກັບທະຫານ ໂດຍທີ່ເມຍຄົນທີ່ເຖົ້າສຸດແມ່ນນາງ Zathiangi ຈະເປັນຜູ້ທີ່ມອບໝາຍໜ້າທີ່ຄົວເຮືອນໃຫ້ກັບເມຍຄົນອື່ນໆ ຕັ້ງແຕ່ເຮັດຄວາມສະອາດ ຊັກເຄື່ອງແລະເຮັດອາຫານ
ອາຫານໜຶ່ງມື້ຈະຕ້ອງມີປະລິມານຢ່າງຫຼວງຫຼາຍສາມາດຮອງຮັບສະມາຊິກໃນຄອບຄົວ ເຊັ່ນໄກ່ 30 ໂຕ ມັນຝະລັງ 60 ກິໂລກະກຼາມ ແລະຂ້າວອີກ 100 ກິໂລກຼາມ ໂດຍທີ່ລູກຊາຍຂອງລາວບອກວ່າ ສ່ວນຫຼາຍແລ້ວພວກເຂົາຈະແຕ່ງງານກັບຜູ້ຍິງທີ່ທຸກຍາກໃນໝູ່ບ້ານ ເພື່ອທີ່ຈະໄດ້ເບິ່ງແຍງພວກລາວແລະເຮັດໃຫ້ມີຊີວິດຄວາມເປັນຢູ່ທີ່ດີຫຼາຍຂຶ້ນ
ທ້າວ Ziona Chana ຍັງເປັນຫົວໜ້າຫຼັກທາງສາດສະໜາໃນໝູ່ບ້ານທີ່ສະມາຊິກເຖິງ 4,000 ຄົນ ໂດຍລາວໄດ້ຢືນຢັນວ່າການຊອກຫາເມຍຂອງລາວຄົງຈະບໍ່ໄດ້ຢຸດຢູ່ຊຳນີ້ຢ່າງແນ່ນອນ
ຂໍຂອບໃຈທີ່ມາ: Dailymail