ສາວໆຫຼາຍຄົນຕິດນິໄສການກິນຈຸບຈິບ ກິນທັງມື້ບໍ່ຂາດປາກ ໂດຍສະເພາະສາວໆທີ່ເຮັດວຽກອັອບຟິດກົ້ນນັ່ງຕິດຕັ່ງ ປາກກໍຫຍ້ຳຕຸ້ຍໆ ກິນໄປກິນມາຊັ່ງນ້ຳໜັກອີກເທື່ອຫນຶ່ງ ຊັດໄປ 5-10 ກິໂລ ພໍຄິດຢາກຈະຫຼຸດນ້ຳໜັກ ກໍຮູ້ສຶກວ່າຍາກເຫຼືອເກີນ ເຮັດແນວໃດກໍບໍ່ລົງຈັກເທື່ອ! ວິທີທີ່ເຮົາເອົາມາຝາກມື້ນີ້ອາດຊ່ວຍເຈົ້າໄດ້ ພຽງແຕ່ປ່ຽນ “ພຶດຕິກຳການກິນ” ເທົ່ານັ້ນບໍ່ໄດ້ໃຫ້ອົດຢາກອາຫານຕາມສູດຫຍັງທັງນັ້ນແຫຼະແລະ ຮັບຮອງໄດ້ເລີຍວ່າຫາກສາວໆເຮັດແບບຈິງໆຈັງແລ້ວ..ໄດ້ຜົນແນ່ນອນ! ໄປເບິ່ງກັນຊິວ່າຕ້ອງເຮັດແນວໃດ.
ສາວໆ ຫຼາຍຄົົນທີ່ຕິດກິນຈຸບກິນຈິບ ນັ້ນບໍ່ພໍ ບາງຄົນຍັງແຖມຄວາມແຊບເລີດຂະນະນັ່ງກິນອາຫານຫລວງຫລາຍເທິງໂຕະທີ່ ແຊບຈົນຢຸດບໍ່ໄດ້ຢູ່ເລື້ອຍໆ ຖ້າບໍ່ມີໂອກາດໄດ້ຊິມເລື້ອຍໆ ກໍຄົງບໍ່ເປັນຫຍັງ ແຕ່ຖ້າຕ້ອງອອກງານຫລືຖືກຊວນມິດຕິ້ງເລື້ອຍໆ ກໍຢຸດບໍ່ໄດ້ແລ້ວ ນັ້ນກໍໜ້າກິນ! ນີ້ກໍແຊບ! ເມື່ອທ່ຽງກໍຫາກໍ່ຈະຈັດບຸບເຟ້ໄປ ຈະກິນຢາທີ່ເຮັດໃຫ້ບໍ່ຫິວດີບໍໜໍ….ຢ່າເລີຍ! ມາລອງວິທີນີ້ກັນເບິ່ງ.
ມື້ເຊົ້າ
• ດື່ມນ້ຳໃຫ້ໄດ້ 2-3 ແກ້ວ ໃນທັນທີທີ່ຕື່ນນອນ.
• ມື້ເຊົ້າຈະກິນຫຍັງກໍໄດ້ຕາມໃຈເລີຍ ແຕ່ຕ້ອງກິນພາຍໃນເຄີ່ງຊົ່ວໂມງຫຼັງຕື່ນນອນ.
• ສວາຍໆຫາກ້ວຍຫອມຈັກ 1 ໜ່ວຍ ກິນຊະ ຈະຊ່ວຍໃຫ້ເຮົາອິ່ມ ມື້ທ່ຽງກໍຈະກິນໄດ້ນ້ອຍລົງ.
ມື້ທ່ຽງ
• ຫາຫຍັງທີ່ຢູ່ທ້ອງແບບບໍ່ຕຸ້ຍຄືແປ້ງນ້ອຍໆ ກິນຊ້າໆ ເພາະກິນໄວບາງທີເຮົາເໝືອນຈະຍັງບໍ່ອິ່ມ ຕາມດ້ວຍຫມາກໄມ້ປະເພດສີດາ, ແຄນຕາລູບ ເພາະຈະເຮັດໃຫ້ຮູ້ສຶກອິ່ມຫລາຍ ແລະ ດື່ມນ້ຳຫຼັງມື້ອາຫານໃຫ້ຫຼາຍ.
• ຖ້າຮູ້ສຶກວ່າອາຫານໝົດຈານແລ້ວຍັງຫິວ ໃຫ້ດື່ມນ້ຳໄປເລື່ອຍໆ ຈະອິ່ມເອງ
ມື້ບ່າຍ.( 2-3ໂມງ)
• ສຳລັບຄົນກິນຈຸບຈິບ ໃຫ້ເລີກຈຸບຈິບ ແລ້ວແຢກອອກມາເປັນອີກມື້ ເລືອກອາຫານແບບຄິດໄລ່ແຄລໍຮີເບິ່ງ ຖ້າຕິດກາເຟລອງດື່ມກາເຟເຢັນແບບຫວານນ້ອຍ ນົມກໍບໍ່ຕ້ອງຫລາຍ ສັ່ງກາເຟແບບບໍ່ໃສ່ນົມຂົ້ນຫວານຈະດີກວ່າຫລືຖ້າເປັນຄໍກາເຟຮາດ ຄໍລອງກາເຟດຳເຢັນແບບບໍ່ໃສ່ນ້ຳຕານເບິ່ງ.
• ລະຫວ່າງນີ້ຖ້າຢາກກິນຫຍັງຈຸບຈິບ ລອງກິນພວກຫມາກໄມ້ແຄລໍຣີນ້ອຍ ແຕ່ຫວານ ເຢັນຊື່ນໃຈ ໃຫ້ພະລັງງານ ແລະ ອິ່ມທ້ອງ ຢ່າງຫມາກຈຽງ, ແອັບເປີ້ນ, ແຕງໂມ.
ມື້ແລງ
• ມື້ແລງຫ້າມອົດເຂົ້າເດັດຂາດ ແຕ່ປ່ຽນໃຫ້ເປັນມື້ເບົາໆແທນ ລອງເລືອກນ້ຳຂິງແກ້ວໃຫຍ່ໄວ້ເປັນມື້ຫຼັກ 1-2 ຈອກ ແລະ ດື່ມຫຼັງອາຫານທີ່ບໍ່ມີແປ້ງຫລືມີໃຫ້ນ້ອຍ.
• ຖ້າພົບດິນເນີແບບມີແຕ່ຂອງແຊບ ກໍເລືອກກິນປະເພດ ຍຳສະລັດ ແລະ ຊີ້ນສັດທີ່ບໍ່ໄດ້ທອດ ຈະເຮັດໃຫ້ອີ່ມໄດ້ດີເລີຍ ດື່ມນ້ຳຫຼາຍໆ ແລະ ນັ່ງກິນຊ້າໆ ຈະຮູ້ສຶກອິ່ມໄດ້ງ່າຍກວ່າ
ເປັນຈັ່ງໃດ! ບໍ່ຍາກເລີຍແມ່ນບໍ ຢາກຈ່ອຍ ຢາກງາມສຸຂະພາບດີ ລອງເຮັດຕາມກັນເບິ່ງ ແຕ່ກໍຕ້ອງຈ່ອຍໃຫ້ພໍດີຢ່າຫັກໂຫມ ຕາມທີ່ບອກໄປແລ້ວກໍບໍ່ມີຫຍັງຍາກເກີນຄວາມສາມາດຂອງສາວໆທຸກຄົນ ພຽງແຕ່ຕ້ອງເລີກນິໄສກິນຈຸບຈິບ ອາຫານຂີ້ເຫຍື້ອພະລັງງານສູງແຕ່ຂາດປະໂຫຍດ ທີ່ສະສົມທັງໄຂມັນ ບໍ່ມີຫຍັງດີນອກຈາກ “ແຊບຢ່າງດຽວ” ຫັນມາກິນອາຫານດີມີປະໂຫຍດຕໍ່ສຸຂະພາບກັນດີກວ່າ.
ທີ່ມາ http://news.com.la/detail/15825
