ວິທີ​ກຳຈັດ​ສິວ​ສ້ຽນ​ເທິງດັງ​ແບບ​ງ່າຍໆ​ ສິວ​ອອກ ດັງ​ບໍ່​ແດງ​ ພ້ອມ​ກະ​ຊັບ​ຮູຂຸມ​ຂົນ

ມື້​ນີ້​ເຮົາ​ ມີ​ວິທີ​ດີ​ໆ​ມາ​ນຳ​ເໜີ ເປັນ​ວິທີ​ທີ່​ຊ່ວຍກຳຈັດສິວສ້ຽນ ແລະ ຍັງ​ເຮັດໃຫ້​ຮູຂຸມຂົນນ້ອຍລົງ​ອີກ​ດ້ວຍ​ ບໍ່​ເວົ້າ​ຫຍັງຫຼາຍ​ໆ​ ໄປ​ເບິ່ງ​ກັນ​ເລີຍ

ອຸປະກອນ​ທີ່​ຕ້ອງ​ກຽມ​

1. ຜ້າຂົນ​ໜູ​ຈຸບ​ນ້ຳ​ອຸ່ນ​ປັ້ນອອກພໍໝາດໆ
2. ເກືອ​ເມັດ​ລະອຽດ​
3. ນ້ຳ​ໝາກນາວ​ 1 ປ່ຽງ
4. ນ້ຳເ​ຜຶ້ງ​ 1 ບ່ວງກາເປ​

ວິທີ​ເຮັດ​

1. ເລີ່ມ​ຈາກ​ເອົາ​ຜ້າຂົນໜູ​ອຸ່ນ​ໂປະ​ທີ່​ດັງ​ຈັກ 10 ນາ​ທີ​ ເພື່ອ​ໃຫ້​ສິວ​ສ້ຽນ​ທີ່​ເປັນ​ໄຂ​ມັນ​ທີ່​ຢູ່​ໃນ​ຮູຂຸມ​ຂົນ​ຜຸດອອກ​ມາ

2. ພໍ​ໄຂ​ມັນ​ເລີ່ມ​ແຫຼວ​​ໄຫຼ​ອອກ​ມາ​ນ້ອຍໜຶ່ງ ເພື່ອ​ໃຫ້​ຮູ​ຂຸມ​ຂົນ​ເປີດ​ກ່ອນ​

3. ແລ້ວ​ເອົາ​ເກືອ,​ ນ້ຳ​ໝາກ​ນາວ,​ ນ້ຳເ​ຜຶ້ງ​ ທີ່​ປະສົມ​ກັນ​ແລ້ວ​ ມາ​ໂປະ​ແລ້ວ​ນວດ​ ແບບ​​ເບົາ​ໆ​ ປະມານ 10 ນາ​ທີ​

4. ຫຼັງ​ຈາກ​ນັ້ນ​ໃຊ້​ຜ້າຂົນ​ໜູ​ອຸ່ນ​ອັນ​ເກົ່າເຊັດ​ອອກ​ເບົາ​ໆ​

5. ແລ້ວ​ລ້າງ​ໜ້າ​ດ້ວຍ​ນ້ຳສະອາດ​ປົກກະຕິ​ເພື່ອ​ໃຫ້​ຮູຂຸມ​ຂົນ​ຫົດ​ໂຕ​ລົງ​

ຂໍ້ມູນຈາກ: ຄິດອອກ