ນາຍົກລັດຖະມົນຕີແຫ່ງ ສປປລາວ ໄດ້ຮັບການຕ້ອນຮັບຢ່າງອົບອຸ່ນຈາກ ນາຍົກລັດຖະມົນຕີ ແລະ ປະຊາຊົນ ຊາວໄທ
ບາງກອກ: ໃນຕອນບ່າຍ ວັນທີ 6 ກໍລະກົດ 2016 ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີແຫ່ງ ສປປລາວ ໄດ້ຮັບການຕ້ອນຮັບຢ່າງສົມກຽດຈາກທາງ ທ່າ່ນ ພົນເອກ ປຣະຍຸດ ຈັນໂອຊາ, ນາຍົກລັດຖະມົນຕີ ແຫ່ງຣາຊອານາຈັກໄທ.
ສອງຝ່າຍເຫັນພ້ອມກັນວ່າສາຍສໍາພັນ ລາວໄທ ໄດ້ເຂົ້າສູ່ຈຸດສູງສຸດ ,ເຫັນໄດ້ເຖິງຄວາມເຂົ້າອົກເຂົ້າໃຈເຊິ່ງກັນແລະກັນ ແລະບໍ່ມີບັນຫາພາຍໃນເຊິ່ງກັນແລະກັນ , ທ່ານນາຍົກພວກເຮົາ ຍັງສະແດງຄວາມຂອບໃຈ ທີທາງລັດຖະບານໄທ ໃຫ້ຄວາມສະດວກແກ່ແຮງງານລາວ ທີ່ເຮັດວຽກໃນໄທ ແລະ ພະນະທ່ານ ປຣະຍຸດ ຈັນໂອຊາ ຍັງຈັດອາຫານຕ້ອນຮັບ ພະນະທ່ານນາຍົກ ທອງລຸນ ສີສຸລິດ ພ້ອມພັນລະຍາ ແລະ ຄະນະ ທີ່ ຕຶກແຂກລັດຖະບານ ໄທຄູ່ຟ້າ.ພ້ອມດຽວກັນ ທັງສອງຝ່າຍ ກໍ່ໄດ້ຮ່ວມລົງນາມ ໃນຫຼາຍດ້ານໃນການຮ່ວມມື ໃນການພັດທະນາ ແລະ ຊ່ວຍເຫຼືອ ເຊິ່ງກັນແລະກັນ ຂອງສອງປະເທດ ບ້ານໃກ້ເຮືອນຄຽງ ທີ່ມີມູນເຊື້ອສຳພັນໄມຕີມາດົນນານ. ເຊິ່ງປະກອບດ້ວຍ: 1. ການຮ່ວມມືທາງດ້ານວິຊາການ, 2. ການພັດທະນາຝີມືແຮງງານ, 3. ການຈ້າງແຮງງານ, 4. ການຄຸ້ມຄອງແຮງງານ ແລະ 5. ການປະກັນສັງຄົມ. ເຊິ່ງທັງສອງຝ່າຍແມ່ນໄດ້ວາງແຜນ ຈະເຈລະຈາ ໃນເລື່ອງການຈ້າງງານໃຫ້ສຳເລັດໂດຍໄວ ພາຍໃນປີນີ້ ເພື່ອເຮັດໃຫ້ແຮງງານຂອງລາວ ທີ່ໄປເຮັດວຽກຢູ່ໄທ ເຂົ້າສູ່ລະບົບ.
ພາບແລະຂ່າວ: ນັກຂ່າວສັນຈອນ
