ຫຼາຍຄົນອາດເຄີຍພົບກັບບັນຫາສະມາດໂຟນແອນດຣອຍເມື່ອ ໃຊ້ໄປດົນໆແລ້ວຊ້າລົງໆເຮັດໃຫ້ອາລົມເສຍຢູ່ຕະຫຼອດເວລາໃນມື້ນີ້ຄໍ ລຳຜ່າໂລກໄອທີຈະຂໍແນະນຳວິທີຈັດການກັບສະມາດໂຟນແສນຮັກທີ່ຊ້າເຫຼືອເກີນໃຫ້ໄວຂຶ້ນ.
ໂດຍບັນຫາເຫຼົ່ານີ້ ສ່ວນຫຼາຍມັກເກີດກັບສະມາດໂຟນທີ່ມີແຣມ ແລະໜ່ວຍຄວາມຈຳພາຍໃນຕົວເຄື່ອງໜ້ອຍ ດັ່ງນັ້ນທ່ານຕ້ອງທຳໃຈຖ້າຫາກ ທ່ານຊື້ສະມາດໂຟນທີ່ຄຸນລັກສະນະສະເພາະໜ້ອຍໆມາ ໂດຍສະເພາະ ເຄື່ອງທີ່ມີແຣມ 512 MB ຫຼື ROM 4 GB ເພາະວ່າຈະເຕັມໄວວິທີແກ້ ບັນຫາເບື້ອງຕົ້ນແມ່ນໜີບໍ່ມົ້ມການເຂົ້າໄປຈັດການການເຮັດວຽກຂອງ ສະມາດໂຟນບໍ່ໃຫ້ເຮັດວຽກໜັກເກີນໄປ.
- ຈັດການແອບພລິເຄເຊິນທີ່ບໍ່ຈຳເປັນ: ຍ້ອນວ່າແອບພລິເຄເຊິນ ບາງອັນທີ່ເຮົາໂຫຼດມານັ້ນຈະເຮັດວຽກຢູ່ຕະຫຼອດເວລາ ໂດຍສະເພາະ ບັນດາແອັບທີ່ໃຊ້ໃຈການແຊັດເຊັ່ນ Social Media ຕ່າງໆເພາະມັນຈະກິນແຣມຂອງສະມາດໂຟນເຮົາຢູ່ຕະຫຼວດເວລາ.
- ແອບພລິເຄເຊິນອັນໃດທີ່ບໍ່ໃຊ້ໃຫ້ເປີດໄປເລີຍ: ເພາະວ່າການ ເຮັດວຽກຂອງສະມາດໂຟນແອນດຣອຍເປັນແບບ Multitask ຄືສາມາດ ເປີດໄດ້ຫຼາຍໆຫຼາຍໜ້າ ເວລາທີ່ເຮົາຫຼິ້ນເກມແລ້ວກົດປຸ່ມ Home ແອບ ພລິເຄເຊິນນັ້ນອາດຈະຍັງບໍ່ປິດເທື່ອ ມັນຈະເຮັດວຽກລໍຖ້າໃຫ້ເຮົາກັບ ເຂົ້າໄປໃຊ້ງານແອັບຢູ່ (ເຮົາສາມາດເລືອກເຮັດວຽກຕໍ່ໄດ້ໂດຍການກົດປຸ່ມ Recent App ແລ້ວເປີດແອັບທີ່ເຮົາເປີດແລ້ວຍັງບໍ່ປິດສະໜິດເທື່ອ) ວິທີ່ການອອກຈາກແອັບທີ່ຖືກກໍຄືກົດປຸ່ມ Back ລົວໆຈັກໜ້ອຍກໍຈະ ອອກຈາກແອັບເອງ ຫຼື ບໍ່ກໍ່ມີໜ້າຂຶ້ນມາຖາມວ່າທ່ານຈະອອກຈາກແອັບຫຼື ບໍ່ ?
- ມີແອບພລິເຄເຊິນໃດທີ່ເຮັດວຽກຢູ່ເບື້ອງຫຼັງ ຫຼື ບໍ່? : ຕໍ່ຈາກຂໍ້ທີ 2 ບາງເທື່ອເຮົາທຳການປິດແອັບ ໄປແລ້ວແຕ່ມັນກໍບໍ່ຍອມປິດໃຫ້ແບບສະໜິດມັນຍັງເຮັດວຽກຢູ່ອີກລອງໄປເບິ່ງໂດຍການກົດປຸ່ມ Recent App ເຮົາຈະເຫັນວ່າມີແອບໃດເປີດຄ້າງໄວ້ຢູ່ໃຫ້ເອົານິ້ວມືປັດຖິ້ມໄປ ເລີຍສຳລັບໂຕໃດທີ່ບໍ່ໃຊ້ງານ.
- ລຶບວິດເຈັດທີ່ບໍ່ໄດ້ໃຊ້ອອກ: ວິດເຈັດ (Widget) ແມ່ນແອບ ພລິເຄເຊິນທີ່ເຮັດວຽກຢູ່ເທິງໜ້າຈໍ Home screenຂອງເຮົາ ຊຶ່ງມັນ ຈະເຮັດວຽກຢູ່ຕະຫຼອດເປັນຕົ້ນ ວິດເຈັດໂມງ, ສະພາບອາກາດ, ເຟສບຸກ ແລະທະວິດເຕີ ດັ່ງນັ້ນ ຖ້າບໍ່ຈະເປັນກໍແນະນຳໃຫ້ເອົາແອັບທີ່ບໍ່ຄ່ອຍໃຊ້ ງານອອກ.
- ຣີສະຕາດເຄື່ອງຈັກເທື່ອໜຶ່ງກໍເປັນການດີ: ການຣີສະຕາດ (Restart ) ເຄື່ອງເປັນການລ້າງຄ່າຕ່າງໆຂອງເຄື່ອງເຮົາໃຫ້ກັບມາປົກກະ ຕິ ທ່ານໃດທີ່ໃຊ້ສະມາດໂຟນບໍ່ວ່າຈະຮຸ່ນໃດກໍຢາກໃຫ້ລອງຣີສະຕາດ ເຄື່ອງເບິ່ງ.
- ອັບເດດແອບພລິເຄເຊິນຢ່າງສະໝ່ຳສະເໝີ: ບາງເທື່ອອາດຈະ ເກີດຈາກລະບົບ ຫຼື ບໍ່ກໍຕົວແອັບເອງທີ່ເຮັດໃຫ້ສະມາດໂຟນຂອງເຮົາຊ້າ ໄດ້ຄືກັນ ດັ່ງນັ້ນ ກໍຄວນອັບເດດລະບົບໃຫ້ເປັນປົກກະຕິ ໂດຍເຂົ້າໄປທີ່ Setting (ຕັ້ງຄ່າ)> About phone (ກ່ຽວກັບໂທລະສັບ) >Software Update (ການອັບເດດລະບົບ); ສຳລັບແອັບພລິເຄເຊິນທີ່ຕິດຕັ້ງມາຈາກ Play Store ກໍເຂົ້າໄປທີ່ Play Store > ເລືອກແທບເມນູ 3 ຂີດ > ເລືອກອັບເດດທັງໝົດ ຫຼື ສາມາດເລືອກອັບເດດບາງແອັບກໍໄດ້.
- ຈັດການຂັ້ນເດັດຂາດດ້ວຍ Factory Reset ໄປເລີຍ: ຈາກຫຼາຍໆຂໍ້ທີ່ກ່າວມາເບື້ອງເທິງອາດເປັນວິທີສຸດທ້າຍທີ່ເຮົາຈະເຮັດກໍຄື ການລຶບທຸກສິ່ງທຸກຢ່າງໃຫ້ກັບມາເປັນສະມາດໂຟນເຄື່ອງຕອນທີ່ອອກມາຈາກໂຮງງານໃໝ່ໆ.
