ບັນຫາພະຍາດຕຸ້ຍເປັນບັນຫາທີ່ສາມາດພົບໄດ້ເລື້ອຍໃນສັງຄົມປະຈຸບັນ ເພາະ ໄລສະໄຕທີ່ເລັ່ງດ່ວນ ການຮັບປະທານອາຫານຟາດຟູ້ດ ຈຶ່ງເຮັດໃຫ້ບໍ່ຄ່ອຍມີເວລາເບິ່ງແຍງຕົວເອງ ສົ່ງຜົນໃຫ້ເກີດພະຍາດຕຸ້ຍນັ້ນເອງ.
ອົງການອະນາໄມໂລກຄາດການວ່າ ໃນ ແຕ່ລະປີຈະມີຜູ້ໃຫຍ່ຢ່າງນ້ອຍ 2,800 ລ້ານຄົນທົ່ວໂລກ ເສຍຊີວິດຈາກພະຍາດຫລືຄວາມຜິດປົກກະຕິທີ່ມາຈາກພາວະນ້ຳໜັກຕົວ ເກີນຫລືພະຍາດຕຸ້ຍ. ດຮ.ແມຮຽນ ເຟັດເນີຣ໌-ມອສ ຫົວໜ້າຄະນະຜູ້ວິໄຈດ້ານໂພຊະນາການແລະ ພະຍາດຕຸ້ຍ ມະຫາວິທະຍາໄລອູ ປະເທດເຢຍລະມັນ ແບ່ງປັນເຄັດລັບການໃຊ້ຊີວິດປະຈຳວັນທີ່ແສນງ່າຍ ເພື່ອໃຫ້ມີສຸຂະພາບດີ ແລະ ຫ່າງໄກພະຍາດຕຸ້ຍ ດ້ວຍການປ່ຽນແປງພຶດຕິກຳຢ່າງງ່າຍໆ.
1. ຊັ່ງນ້ຳໜັກເປັນປະຈຳ ແລະ ສັງເກດຕົວເຈົ້າເອງດ້ວຍວ່າຊ່ວງນີ້ເຈົ້າຮູ້ສຶກວ່າເສື້ອທີ່ໃສ່ ເລີ່ມຄັບໄປຫລືບໍ ສິ່ງເຫຼົ່ານີ້ອາດເປັນສັນຍານບອກວ່ານ້ຳໜັກຕົວກຳລັງເພີ່ມຂຶ້ນ.
2. ຕັ້ງເປົ້າໝາຍແລະເຮັດຕາມຢ່າງມຸ້ງມັ່ນ ກຳນົດ ເປົ້າໝາຍໃຫ້ຊັດເຈນ ເຊັ່ນ ຈະຫຼຸດນ້ຳໜັກລົງ 5 ກິໂລກຣັມ ກ່ອນຈະເຖິງມື້ປີໃໝ່ ເພາະສະນັ້ນ ຂ້ອຍຈະຮັບປະທານສະລັດເປັນອາຫານແລງອາທິດລະ 3 ເທື່ອ.
3. ຫຼີກລ້ຽງສິ່ງລໍ້ຕາລໍ້ໃຈຕ່າງໆ ຕ້ອງຕັ້ງສະຕິດີໆ ຄິດກ່ອນກິນ ອອກກຳລັງກາຍກ່ອນນັ່ງຫລິ້ນນອນຫລິ້ນ.
4. ອອກກຳລັງກາຍທຸກມື້ແມ່ນພຽງນ້ອຍໆ
5. ອອກກຳລັງກາຍ 3 ປະເພດຢ່າງສະຫມ່ຳສະເໝີ ໄດ້ ແກ່ (1) ບໍດີ້ຄອມໂພສິຊັ່ນ ເທນນິ່ງຫລືເວດເທນນິ່ງ (2) ການອອກກຳລັງກາຍແບບຄາຣດິໂອຫລືແອໂລບິກ ແລະ (3) ການອອກກຳລັງກາຍເພື່ອເພີ່ມຄວາມຢືດຫຢຸ່ນ.
6. ກິນໃຫ້ຫຼາກຫຼາຍ ການຮັບປະທານອາຫານທີ່ດີຄືການເລືອກຮັບປະທານອາຫານຫຼາຍໆ ປະເພດຢ່າງມີສົມດຸນ.
7. ພະຍາຍາມຮັບປະທານອາຫານຈາກທຳມະຊາດໃຫ້ຫລາຍທີ່ສຸດ ເຊັ່ນ ອາຫານທີ່ບໍ່ໄດ້ຜ່ານການແປຮູບ ເລືອກຮັບປະທານປາຫລືຊີ້ນສັດປີກ ແທນທີ່ຈະຮັບປະທານໝູຫລືຊີ້ນແດງຫລືເນື້ອທີ່ຜ່ານການແປຮູບ ເລືອກຮັບປະທານຜັກແລະຫມາກໄມ້ສົດໆ ແທນທີ່ຈະເປັນອາຫານທອດແລະເລືອກຮັບປະທານເຂົ້າກ່ອງ ຂະໜົມປັງ.
8. ເລືອກຮັບປະທານຫມາກໄມ້ສົດໆ ແທນ ທີ່ຈະເປັນນ້ຳຫມາກໄມ້ ເຈົ້າຕ້ອງໃຊ້ໝາກກ້ຽງຈຳນວນ 6-8 ໜ່ວຍ ສຳລັບນ້ຳໝາກກ້ຽງ 1 ແກ້ວ ເຮັດໃຫ້ເຈົ້າດື່ມເຂົ້າໄປແຕ່ແຄລໍຮີ ແຕ່ບໍ່ມີໄຟເບີຫລືກາກໃຍ.
9. ຫຼຸດຈຳນວນນ້ຳຕານລົງ ຫຼີກລ້ຽງເມນູຂອງຫວານແລະເຄື່ອງດື່ມຢ່າງນ້ຳອັດລົມ, ກາເຟເຢັນ, ຊານົມ ແລະ ສະມູດຕີ້ທີ່ໃສ່ນ້ຳຕານຫລາຍໆ.
10. ຫຼຸດປະລິມານອາຫານລົງ ຫຼີກລ້ຽງເມນູຂະໜາດບິ໊ກໄຊ ໂດຍສະເພາະຕາມຮ້ານອາ ຫານຟາດຟູ້ດທັງຫຼາຍ.
ຂໍ້ມູນຈາກ: ຄິດອອກ
