ສ່ວນປະສົມ: ກະຈຽບແດງ1 ກຳມື , ໝາກກະທັນຈີນແຫ້ງ 1 ກຳມື, ນ້ຳສະອາດ 2 ລິດ ຈາກນັ້ນນຳ ກະຈຽບ ແລະໝາກກະທັນມາລ້າງນ້ຳໃຫ້ສະອາດປະໃຫ້ສະເດັດນ້ຳແລ້ວທຸບ
ໃຫ້ແຕກພໍປະມານ ຕົ້ມລວມກັນ ກັບນ້ຳປະມານ 2 ລິດ ພໍຟົດກໍຕົ້ມຕໍ່ໄປອີກໄລຍະໜຶ່ງ ກໍໃຊ້ໄດ້ ນຳມາຕອງເອົາແຕ່ນ້ຳແລ້ວເພີ່ມນ້ຳຕານ, ຫຍ້າ ຫວານ, ລຳໄຍແຫ້ງ ກໍໄດ້ຖອກໃສ່ຂວດໄວ້ຕື່ມຕາງນ້ຳ ຫຼື ນຳໄປແຊ່ໃນຕູ້ເຢັນໄວ້ດື່ມຫຼາຍມື້.
ນອກຈາກນັ້ນການຮັບປະທານອາຫານທີ່ມີວິຕາມິນອີໄດ້ແກ່: ເມັດຕາເວັນ ກໍມີບົດບາດໃນການຊ່ວຍເສີມ ສ້າງຄວາມແຂງແຮງຂອງລິ້ນຫຼອດເລືອດ ແລະຝະໜັງຫຼອດເລືອດໃຫ້ຫົດຢືດ ແລະຄົງສະພາບໄດ້ດີ , ເຮັດ ໃຫ້ການໄຫຼວຽນຂອງເລືອດດີຂຶ້ນ ຫຼຸດການປວດເຄັ່ງຊຶ່ງເປັນສາເຫດທີ່ສົ່ງຜົນໃຫ້ເສັ້ນເລືອດຂອດ, ການຮັບປະທານອາການທີ່ມີກາກໄຍເຊັ່ນ: ຍອດແຄ,ໝາກແຄ້ງ, ຖົ່ວເມັດແຫ້ງ, ໝາກພິລາ ກໍສາມາດເພີ່ມຄວາມແຂງແຮງ ຂອງເສັ້ນເລືອດດ້ວຍ ຫຼື ຈະເປັນວິຕາມິນເຊທີ່ຫາໄດ້ຈາກ ບ໊ອກໂຄລີ, ໝາກເຜັດ ໝາກໄມ້ຕະກູນໝາກກ້ຽງ ແລະ ວິທີງ່າຍໆທີ່ຈະຊ່ວຍໃຫ້ຂາງາມໝົດບັນຫາເສັ້ນເລືອດຂອດ ຜັກ ແລະ ໝາກໄມ້ທີ່ມີສານຟລາໂວນອຍເຊັ່ນ: ເບີຣີ, ໝາກລາແຊງ, ທັນຍາພຶດ, ວິຕາມິນເຊ ກໍສາມາດເສີມຄວາມແຂງແຮງ ແລະຫຼຸດຮອຍຮົ່ວຂອງຫຼອດເລືອດໄດ້.
ທີ່ມາ ເສດຖະກິດສັງຄົມ
