ພະຍາດໝາກໄຂ່ຫຼັງ ເປັນບັນຫາສຳຄັນໃນລະບົບສາທາລະນະສຸກແລະຜູ້ປ່ວຍມີແນວໂນ້ມເພີ່ມຂຶ້ນທຸກປີ
ໝາກໄຂ່ຫຼັງ ມີຫນ້າທີ່ຂັບຖ່າຍຂອງເສຍອອກຈາກຮ່າງກາຍ ສ້າງສານທີ່ມີປະໂຫຍດຕະຫລອດຈົນຄວບຄຸມສົມດຸນຂອງນ້ຳແລະເກືອແຮ່ ໃນຮ່າງກາຍແລະຊ່ວຍຂັບຖ່າຍສານແປກປອມທີ່ຮ່າງກາຍຮັບມາ
ຫາກໝາກໄຂ່ຫຼັງມີຄວາມຜິດປົກກະຕິເຮັດວຽກບໍ່ເຕັມທີ່ຂອງເສຍຕ່າງໆ ຈະສະສົມແລະຄັ່ງຄ້າງຈົນເກີດເປັນພາວະໝາກ ໄຂ່ຫຼັງວາຍເຖິງຂັ້ນເສຍຊີວິດໄດ້ ຈະສັງເກດໄດ້ແນວໃດວ່າໝາກໄຂ່ຫຼັງເຮັດວຽກຜິດປົກກະຕິ
ຜູ້ປ່ວຍພະຍາດໝາກໄຂ່ຫຼັງໃນໄລຍະທຳອິດມັກຈະບໍ່ມີອາການສະແດງໃດໆ ເນື່ອງຈາກໝາກໄຂ່ຫຼັງສາມາດປັບການເຮັດວຽກງານໃຫ້ສົມດຸນໄດ້ແມ່ນ ເຫຼືອພຽງ 50 ເປີເຊັນຈາກປົກກະຕິແຕ່ເມື່ອໃດທີ່ການເຮັດວຽກງານຂອງໝາກໄຂ່ຫຼັງ ຫຼຸດເຫຼືອ 25 ເປີເຊັນຈະເລີີ່ມສະແດງອາການຕ່າງໆອອກມາ ເນື່ອງຈາກໝາກໄຂ່ຫຼັງເຮັດວຽກໜັກຫລາຍ ໂດຍສະແດງອາການຜິດປົກກະຕິຂອງຍ່ຽວ ດັ່ງນີ້
-ຍ່ຽວເລື້ອຍໆຜິດປົກກະຕິ
ໂດຍທົ່ວໄປແລ້ວຫາກບໍ່ໄດ້ດື່ມນ້ຳກ່ອນເຂົ້ານອນ ເມື່ອນອນຫຼັບໄປແລ້ວ 6-8 ຊົ່ວໂມງ ມັກບໍ່ຕ້ອງຕື່ນມາຍ່ຽວກາງດຶກ ເພາະກະເພາະຍ່ຽວສາມາດເກັບນ້ຳໄດ້ເຖິງ 250 ຊີຊີ ແຕ່ໃນຄົົນທີ່ເປັນພະຍາດໝາກໄຂ່ຫຼັງຈະບໍ່ສາມາດຢຸດການຂັບນ້ຳໃນ ກະເພາະຍ່ຽວໄດ້ ຈຶ່ງມັກຍ່ຽວເລື້ອຍໆຜິດປົກກະຕິ ແລະ ຍ່ຽວກາເງດິກ
-ຍ່ຽວຂັດ
ຄົົນທີ່ເປັນພະຍາດໝາກໄຂ່ຫຼັງເວລາຍ່ຽວມັກຈະມີອາການຂັດຫຼືເຈັບ ຕ້ອງອອກແຮງເບັ່ງຍ່ຽວ ຫຼື ມີອາການຍ່ຽວບໍ່ພຸ່ງ ຍ່ຽວສະດຸດກາງຄືນ ອາການເຫຼົ່ານີ້ເປັນສັນຍານເຕືອນການຕິດເຊື້ອໃນທາງເດີນຍ່ຽວ ຫຼື ເປັນນິ່ວໃນ ຊຶ່ງພົບຫລາຍໃນຜູ້ຍິງ
-ຍ່ຽວເປັນຟອງຫລາຍ
ປົກກະຕິເວລາທີ່ເຮົາຍ່ຽວຈະມີໂປຼຣຕິນໄຫຼປົນອອກມາດ້ວຍ ໂປຼຣຕິນນີ້ເຮັດໃຫ້ເກີດຟອງສີຂາວ ຫາກເວລາຍ່ຽວແລ້ວມີຟອງສີຂາວອອກມາຫລາຍກວ່າປົກກະຕິ ອາດເປັນອາການບົ່ງຊີ້ຂອງພະຍາດໝາກໄຂ່ຫຼັງ
-ຍ່ຽວເປັນເລືອດ
ຫາກຍ່ຽວອອກມາແລ້ວມີສີແດງຄ້າຍເລືອດ ຫຼື ສີນ້ຳລ້າງເນື້ອ, ສີຊາແກ່ ຫຼື ສີເຫຼືອງເຂັ້ມ ເປັນສັນຍານເຕືອນວ່າມີເລືອດອອກມາປົນກັບຍ່ຽວ ໂດຍເກີດຈາກການຕິດເຊື້ອໃນທາງເດີນຍ່ຽວ ມີນິ່ວໃນໝາກໄຂ່ຫຼັງ ໝາກໄຂ່ຫຼັງອັກເສບ ຫຼືເນື້ອງອກທາງເດີນຍ່ຽວເປັນຕົ້ນ
ດັ່ງນັ້ນເພື່ອບໍ່ໃຫ້ສ່ຽງຕໍ່ການເປັນພະຍາດໝາກໄຂ່ຫຼັງ ຈຶ່ງຄວນກວດຮ່າງກາຍປະຈຳປີເພື່ອຄັດກອງພະຍາດໝາກໄຂ່ຫຼັງເບື້ອງຕົ້ນ ທີ່ສຳຄັນຄວນລະມັດລະວັງພຶດຕິກຳການກິນທີ່ເປັນສາເຫດເຮັດໃຫ້ເກີດ ພະຍາດ ດ້ວຍການກິນອາຫານທີ່ມີປະໂຫຍດ ງົດອາຫານຫວານ ມັນ ເຄັມ ດື່ມນ້ຳສະອາດມື້ລະ 8-10 ແກ້ວ ອອກກຳລັງກາຍສະໝ່ຳສະເໝີ ບໍ່ຄວນຊື້ຢາກິນເອງ ຫຼີກລ້ຽງປັດໄຈສ່ຽງສຳຄັນທີ່ເຮັດໃຫ້ເກີດພະຍາດເບົາຫວານ ແລະຄວາມດັນເລືອດສູງ ຊຶ່ງເປັນສາເຫດສຳຄັນຂອງພະຍາດໝາກໄຂ່ຫຼັງ
ດັ່ງນັ້ນເພື່ອບໍ່ໃຫ້ສ່ຽງຕໍ່ການເປັນພະຍາດໝາກໄຂ່ຫຼັງ ຈຶ່ງຄວນກວດຮ່າງກາຍປະຈຳປີເພື່ອຄັດກອງພະຍາດໝາກໄຂ່ຫຼັງເບື້ອງຕົ້ນ ທີ່ສຳຄັນຄວນລະມັດລະວັງພຶດຕິກຳການກິນທີ່ເປັນສາເຫດເຮັດໃຫ້ເກີດ ພະຍາດ ດ້ວຍການກິນອາຫານທີ່ມີປະໂຫຍດ ງົດອາຫານຫວານ ມັນ ເຄັມ ດື່ມນ້ຳສະອາດມື້ລະ 8-10 ແກ້ວ ອອກກຳລັງກາຍສະໝ່ຳສະເໝີ ບໍ່ຄວນຊື້ຢາກິນເອງ ຫຼີກລ້ຽງປັດໄຈສ່ຽງສຳຄັນທີ່ເຮັດໃຫ້ເກີດພະຍາດເບົາຫວານ ແລະຄວາມດັນເລືອດສູງ ຊຶ່ງເປັນສາເຫດສຳຄັນຂອງພະຍາດໝາກໄຂ່ຫຼັງ
ທີ່ມາ http://news.com.la/detail/15443
