ຄົນເຄີຍຖືກຜີອຳເລົ່າວ່າ ຫຼາຍເທື່ອທີ່ຮູ້ສຶກໂຕວ່າຕື່ນນອນແລ້ວແຕ່ບໍ່ສາມາດເໜັງໂຕ ແລະ ບໍ່ສາມາດຮ້ອງໃຜໃຫ້ມາຊ່ວຍໄດ້ ບາງຄົນຮູ້ສຶກເໝືອນມີຫຍັງມາທັບຈົນຫາຍໃຈບໍ່ອອກ ອາການນີ້ ຝຣັ່ງຈຶ່ງຮ້ອງອາການຜີອຳນີ້ວ່າ Sleep paralysis ເພາະທີ່ຈິງແລ້ວອາການຜີອຳເປັນເລື່ອງທີ່ສາມາດອະທິບາຍໄດ້ຕາມຫຼັກວິທະຍາສາດ ແລະ ຍັງເປັນແວ່ນສະທ້ອນເຖິງບັນຫາສຸຂະພາບບາງຢ່າງໃຫ້ເຮົາຕ້ອງລະວັງ ແລະ ຫຼຽວກັບມາເບິ່ງແຍງໂຕເອງອີກດ້ວຍ
ອາການນີ້ມັກເກີດຂຶ້ນໃນສອງຊ່ວງຂອງການນອນ ຄື ຜີອຳຕອນກຳລັງຈະຫຼັບ (hypnagogic sleep paralysis)ແລະ ຕອນກຳລັງຈະຕື່ນ (hypnopompic sleep paralysis) ເປັນຫຍັງບາງຄົນມີອາການຜີອຳເລື້ອຍໆ ຂະນະທີ່ບາງຄົນບໍ່ເຄີຍມີອາການເລີຍ ຄຳຕອບຄື ອາການຜີອຳມັກຈະເກີດກັບຄົົນທີ່ນອນນ້ອຍ, ຄົົນທີ່ປ່ຽນເວລາການນອນ, ຄົົນທີ່ມີບັນຫາທາງຈິດໃຈເຊັ່ນ: ຄົົນທີ່ຕົກຢູ່ໃນພາວະຄວາມຄຽດ, ຄົົນທີ່ຫຼັບແລ້ວຄວບຄຸມໂຕເອງບໍ່ໄດ້ (narcolepsy) ແລະ ຄົົນທີ່ມັກເປັນຂາປັ້ນເລື້ອຍໆ ຕະຫຼອດຈົນຄົົນທີ່ໃຊ້ຢາບາງຊະນິດເປັນປະຈຳ
ເຖິງຢ່າງໃດກໍຕາມ ມີການສຶກສາທີ່ໄດ້ແນະນຳຄາຖາແກ້ອາການຜີອຳເອົາໄວ້ດັ່ງຕໍ່ໄປນີ້:
ນອນຫຼັບພັກຜ່ອນໃຫ້ພຽງພໍ
ຫາວິທີຜ່ອນຄາຍຄວາມຄຣຽດ ໂດຍສະເພາະຢ່າງຍິ່ງກ່ອນນອນເຊັ່ນ: ການຄາຍອາການຈັງ ເຮັດໂຕເອງໃຫ້ຜ່ອນຄາຍແບບຊີວໆ (relaxation)
ປ່ຽນທ່ານອນ ໂດຍປ່ຽນຈາກທ່ານອນຫງາຍມາເປັນນອນສະແຄງ
ສາມວິທີນີ້ເປັນບົດສະຫລຸບຢ່າງດີວ່າ ອາການຜີອຳບໍ່ແມ່ນເລື່ອງເໜືອທຳມະຊາດ ແຕ່ເກີດຈາກຮ່າງກາຍ ແລະ ຈິດໃຈທີ່ບໍ່ສົມດຸນພຽງແຕ່ປັບປ່ຽນພຶດຕິກຳບາງຢ່າງກໍຈະບໍ່ມີບັນຫານີ້ມາກວນໃຈ
ທີ່ມາ ຄິດອອກ
