ທ່ານທອງລຸນ ສີສຸລິດ ສືບຕໍ່ນຳພາ ກອງປະຊຸມ ສຸດຍອດ ອາຊຽນ

ໃນກອງປະຊຸມຄັ້ງນີ້ ບັນດາຜູ້ນຳອາຊຽນ ໄດ້ຕີລາຄາຄືນ ກ່ຽວກັບ ການຮ່ວມມື ລະຫວ່າງ
ອາຂຽນ ກັບບັນດາຄູ່ເຈລະຈາແລະຄູ່ຮ່ວມພາຍນອກ ໃນລະຍະຜ່ານມາພ້ອມທັງວາງທິດ
ທາງການຮ່ວມມືໃນອະນາຄົດ ໂດຍບັນດາຜູ້ນຳອາຊຽນ ໄດ້ເນັ້ນເຖິງຄວາມສຳຄັນ ໃນ ການຮັກສາຄວາມເປັນແກນກາງຂອງ ອາຊຽນ ໃນໂຄງສ້າງພາກພືຶ້ນທີ່ພວມຜັນແປ ແລະ ໄດ້ເຫັນດີເພີ້ມທະວີການຮ່ວມມືກັບບັນດາຄູ່ເຈລະຈາ ແລະ ຄູ່ຮ່ວມພາຍນອກອຶ່ນໆໂດຍ ຜ່ານບັນດາກົນໄກທີ່ ອາຊຽນ ເປັນຜູ້ລິເລີ້ມເຊັ່ນ : ອາຊຽນບວກໜຶ່ງ, ອາຊຽນບວກສາມ, ເວທີ ພາກພື້ນອາຊຽນ, ກອງປະຊຸມຖະມົນຕີປ້ອງກັນອາຊຽນບວກ ແລະ ກອງປະຊຸມສຸດ ຍອດ ເອເຊຍຕາເວັນອອກ.

ນອກນັ້ນຜູ້ນຳອາຊຽນ ຍັງໄດ້ແລກປ່ຽນຄວາມຄິດເຫັນຢ່າງກົງໄປກົງມາ ແລະ ສ້າງສັນ ກ່ຽວກັບ ບັນຫາພາກພື້ນ ແລະສາກົນ ທີ່ມີຄວາມສົນໃຈ ແລະ ເປັນຫ່ວງຮ່ວມກັນຊຶ່ງລວມ ມີສິ່ງທ້າທາຍດ້ານຄວາມໝັ້ນຄົງທີ່ກ່ຽວຂ້ອງກັບການທະຫານ ແລະ ບໍ່ແມ່ນການທະຫານ ເຊັ່ນ: ການກໍ່ການຮ້າຍ ແລະ ລັດທິຫົວຮຸນແຮງ ໄພພິບັດທຳມະຊາດ ການປ່ຽນແປງຂອງ ດິນຟ້າອາກາດ ບັນຫາຊາວອົບພະຍົບ ການຄ້າມະນຸດ ຂໍ້ຂັດແຍ່ງດ້ານເຂດແດນ ຄວາມ ໝັ້ນຄົງ ແລະຄວາມປອດໄພທາງທະເລ ການປະທະກັນດ້ວຍກຳລັງ ແລະ ອາຊະຍະກຳ ຂ້າມຊາດ ແລະ ສະພາບການຢູ່ພາກພື້ນຕ່າງໆເຊັ່ນ ແຫລມເກົາຫລີ ຕາເວັນອອກກາງ ແລະ ທະເລຈີນໃຕ້.

ນອກຈາກນັ້ນແລ້ວ ໃນຕອນເຊົ້າວັນທີ 7 ກັນຍາ ກໍມີກອງປະຊຸມສຸດຍອດ ຄົບຮອບ 25 ປີ ຂອງການສົນທະນາ ອາຊຽນ-ຈີນ ຕິດຕາມດ້ວຍກອງປະຊຸມ ອາຊຽນ-ຍີ່ປຸ່ນ, ກອງປະຊຸມ ສຸດຍອດສາທາລະນະ ເກົາຫລີ, ກອງປະຊຸມ ອາຊຽນບວກສີ່, ກອງປະຊຸມສຸດຍອດ ອາ​ ຊຽນ-ອອສເຕຣເລຍ, ກອງປະຊຸມສຸດຍອດອາຊຽນ-ສະຫະປະຊາຊາດ ແລະ ໃນຕອນ
ຄໍ່າເວລາ 20:00 ຫາ 22:00 ໂມງ ທ່ານທອງລຸນ ສີສຸລິດ ນາຍົກລັດຖະມົນຕີ ສປປ ລາວ ແລະ ປະທານກອງປະຊຸມອາຊຽນ ມາດາມ ນາລີ ສີສຸລິດ ເພື່ອເປັນກຽດໃຫ້ແກ່ ອາຊຽນ ແລະ ບັນດາຫົວໜ້າປະເທດອາຊຽນຕາເວັນອອກ ເລຂາທິການອົງການສະຫະປະຊາຊາດ ແລະ ບັນດາຜູ້ແທນ.