ພາບແຜນທີ່ທັງໝົດໃນນີ້ບໍ່ມີຫຍັງແຕກຕ່າງໄປຈາກແຜນທີ່ໃນປັດຈຸບັນ ຍົກເວັ້ນແຕ່ຢ່າງດຽວນັ້ນຄື ນ້ຳກ້ອນທັງໝົດໃນໂລກເປື່ອຍໝົດ ນີ້ຄືແຜນທີ່ຂອງທະວີບຕ່າງໆທີ່ຈະຈຳລອງໃຫ້ເຫັນເຖິງຜົນກະທົບຫາກລະດັບນ້ຳທະເລເພີ່ມສູງຂຶ້ນ 65 ແມັດ, ຊາຍຝັ່ງໃໝ່ໆ ແລະ ທະເລໃນແຜ່ນດິນຈະເກີດຂຶ້ນ ແລະ ໜ້າຕາຂອງທະວີບຕ່າງໆຈະແຕກຕ່າງໄປຈາກພາບແຜນທີ່ທີ່ພວກເຮົາເຫັນຈົນຄຸ້ນຕາໃນທຸກມື້ນີ້.
ທົ່ວໂລກມີປະລິມານນ້ຳກ້ອນທັງໝົດລວມກັນກວ່າ 20 ລ້ານກິໂລແມັດກ້ອນ, ນັກວິທະຍາສາດເຄີຍປະເມີນວ່າ ຫາກມະນຸດຍັງຄົງເດີນໜ້າຜະລິດອາຍກາກໂບນິກຕໍ່ໄປ ຈະໃຊ້ເວລາປະມານ 5,000 ປີ ຈຶ່ງຈະເຮັດໃຫ້ນ້ຳກ້ອນທັງໝົດເປື່ອຍ ເມື່ອເຖິງເວລານັ້ນໂລກທີ່ປາສະຈາກນ້ຳກ້ອນຈະມີອຸນຫະພູມສະເລ່ຍ 80 ອົງສາຟາເຣນໄຮ ເມື່ອທຽບກັບປັດຈຸບັນເຊິ່ງຢູ່ທີ່ປະມານ 58 ອົງສາຟາເຣນໄຮ.
ທະວີບອາເມຣິກາເໜືອ: ຊາຍຝັ່ງທະເລອາກລັງຕິກດັ່ງເດີມຈະໝົດໄປ ໃນທີ່ນີ້ລວມໄປເຖິງຊາຍຝັ່ງຟໍຣິດາ ແລະ ຊາຍຝັ່ງ Gulf ອີກດ້ວຍໃນລັດຄາລິຟໍເນຍ, ສາຍພູຊານຟານຊິສໂກຈະກາຍເປັນກຸ່ມເກາະ, ບໍລິເວນ Central Valley ຈະກາຍເປັນອ່າວແທນ.
![](https://blogger.googleusercontent.com/img/b/R29vZ2xl/AVvXsEhZpqSOIXsEulMl2ULFrYYweGU3hrWMmM2IMEPDk8QgqrHRbwXbHlUduuaORs76ORXxRHJ9zyLk53yEbOoykT9ZYUA_fGoZQx0s1OwGbk55JztPtGQ6rx-9qX4nSXLDL7VGsuM6Pm9ZjBU/s1600/142.jpg)
ທະວີອາເມຣິກາໃຕ້ (ອາເມຣິກາລາຕິນ): ເຂດລຸ່ມນ້ຳອາເມຊອນ ບໍລິເວນໂດຍຮອບແມ່ນ້ຳ Basin ຈະກາຍເປັນອ່າວ, ສ່ວນນະຄອນຫຼວງບົວໂນສໄອເຣສ ເມືອງຫຼວງຂອງອາກຊັງຕິນຈະຈົມຢູ່ໃຕ້ນ້ຳ ເມື່ອນ້ຳທະເລຖ້ວມເຂົ້າໄປໃນແຜ່ນດິນກໍ່ໃຫ້ເກີດຊາຍຝັ່ງໃໝ່ໆ.
![](https://blogger.googleusercontent.com/img/b/R29vZ2xl/AVvXsEgG5KsaYzoulCa7h_trrWr5DLZ9vxGziHGHpIEGEJ-aQQGYDWwO50G_iVNC9QYcX53NRzJttXcXivRmbvD3h0pXLp3GZhu281nXLjJEQzBD6PsTTyMHHkTvga4RDhGHEdsSZqMC8nNqsJM/s1600/143.jpg)
ທະວີບອາຟຣິກາ: ທຽບກັບທະວີບອື່ນໆ ອາຟຣິກາໄດ້ຮັບຜົນກະທົບຈາກການເພີ່ມຂຶ້ນຂອງລະດັບນ້ຳທະເລໜ້ອຍທີ່ສຸດ ແຕ່ອຸນຫະພູມທີ່ເພີ່ມຂຶ້ນຂອງໂລກຈະສົ່ງຜົນໃຫ້ຫຼາຍເຂດໃນທະວີບບໍ່ສາມາດຢູ່ອາໄສໄດ້ເຊັ່ນ: ໃນນະຄອນຫຼວງໄຄໂຮ ປະເທດເອຢິບ ແລະ ນະຄອນອະເລັກຊາຍເດຍຈະຖືກນ້ຳຈາກທະເລເມດີເຕີເຣນຽນຖ້ວມ.
![](https://blogger.googleusercontent.com/img/b/R29vZ2xl/AVvXsEhi7h-qqeCAngAlfvILeZE7cC_JX3POXvwVRqwnMU7C132SEKD4sQ0RxShSC8MLhBnI_x_v_WM1m3vdC72M62liPPE1sFqN3hvtdfr52XeMHyKvrOznvt0swpMa1Wml8mNT3KiXi8XkRkA/s1600/144.jpg)
ທະວີບເອີຣົບ: ນະຄອນຫຼວງລອນດອນ ຂອງປະເທດອັງກິດຈະກາຍເປັນພຽງຄວາມຊົງຈຳ, ນະຄອນເວນິສຈະຈົມຢູ່ໃຕ້ທະເລອາເດຼຍຕິກ ອີກຫຼາຍພັນປີນັບຈາກນີ້ໂຮນລັງຈະຄ່ອຍໆຈົມລົງສູ່ທະເລ, ດານມາກກໍ່ເຊັ່ນກັນ ຈາກການຂະຫຍາຍຕົວຂອງທະເລເມດີເຕີເຣນຽນ, ທະເລດຳ ແລະ ທະເລແຄສປຽນ.
![](https://blogger.googleusercontent.com/img/b/R29vZ2xl/AVvXsEgzmKa0jbyl9MFYK8InH5cxsOLT5lBayem-KbAs41S6XSE9t0nmGcgrt4-c_9Ag3VXvuU3bsNG2Gvn6ayYunuM25jVDOMwJPpTiL4VtLxb_x8lr45k3cmdXvA54nVrlYw63AW2fe8x85mA/s1600/145.jpg)
ທະວີບອາຊີ: ເຂດທີ່ຢູ່ອາໄສຂອງຊາວຈີນຈຳນວນ 600 ລ້ານຄົນຈະຖືກນ້ຳຖ້ວມ ລວມໄປເຖິງປະເທດບັງກະລາເທດທີ່ມີປະຊາກອນ 160 ລ້ານຄົນ, ບໍລິເວນແນວຊາຍຝັ່ງທາງຕາເວັນອອກຂອງອິນເດຍຈະຖືກນ້ຳຖ້ວມຫຼາຍຂຶ້ນ, ພູມມິພາກອາຊີຕາເວັນອອກສຽງໃຕ້ນ້ຳຈະຖ້ວມນະຄອນຫຼວງບາງກອກປະເທດໄທ, ນ້ຳຈາກແມ່ນ້ຳຂອງຈະເຂົ້າຖ້ວມ ແລະ ສົ່ງຜົນໃຫ້ປະເທດກຳປູເຈຍກາຍເປັນເກາະ.
![](https://blogger.googleusercontent.com/img/b/R29vZ2xl/AVvXsEhB8JLysnvm-l8tsWBGT6BLrQhBu1B9qBPNZoxqu8ThFwyxwbxDISUYB-ohlv6_R4pUeWTc9cMJZ6paGA1_mnIaI_BB-bP2y0pl80ImyJU2ckimbHHe8Lx9YkhXUW9swp1GBaa_5UA2ah0/s1600/146.jpg)
ທະວີບໂອເຊອານີ: ອຸນຫະພູມທີ່ເພີ່ມສູງຂຶ້ນ ສົ່ງຜົນໃຫ້ທະເລຊາຍຂະຫຍາຍຕົວ, ລະດັບນ້ຳທະເລຈະສົ່ງຜົນໃຫ້ເກີດທະເລໃນທະວີບເພີ່ມຂຶ້ນ, ເຂດຊາຍຝັ່ງທາງຕາເວັນອອກຂອງທະວີບຈະຖືກນ້ຳຖ້ວມ ເຊິ່ງບໍລິເວນດັ່ງກ່າວມີຄວາມສຳຄັນເນື່ອງຈາກປະຊາກອນຂອງປະເທດປະມານ 4 ໃນ 5 ຈາກທັງໝົດອາໄສຢູ່ໃນບໍລິເວນນັ້ນ.
![](https://blogger.googleusercontent.com/img/b/R29vZ2xl/AVvXsEjwHkYzPrjLpzo3w-CUUDhkhG-Jb-B5lri14xERNJpLya-amy_n9y5AqDx9kRHvm3xbhi8jiuzzwVPKbYcNe58dNm_zxrI1bAnVwKTUJJhqgUrpa79znl1JWLuo4ChqgWrav7FzfhzOwN8/s1600/147.jpg)
ທະວີບອັງຕິກ
ອາກຕິກຕາເວັນອອກ: ນ້ຳກ້ອນຢູ່ອາກຕິກຕາເວັນອອກມີຂະໜາດໃຫຍ່ຫຼາຍ ແລະ ບັນຈຸນ້ຳກ້ອນປະລິມານ 4 ໃນ 5 ຈາກທັງໝົດທົ່ວໂລກ ແຕ່ເຖິງຢ່າງໃດກໍ່ຕາມກໍ່ບໍ່ອາດທົນຕໍ່ໂລກຮ້ອນໄດ້.
ອາຕິກຕາເວັນຕົກ: ເຊັ່ນດຽວກັບປະເທດກຣີນແລນ ເນື້ອທີ່ຂອງອາກຕິກຕາເວັນຕົກມີຂະໜາດນ້ອຍຫາກປາສະຈາກນ້ຳກ້ອນ ແລະ ພື້ນທະວີບສ່ວນໃຫຍ່ກໍ່ຢູ່ຕ່ຳກວ່າລະດັບນ້ຳທະເລ ພາວະໂລກຮ້ອນສົ່ງຜົນໃຫ້ຊັັ້ນນ້ຳກ້ອນຄ່ອຍໆຍຸບຕົວລົງເລື້ອຍໆ.
![](https://blogger.googleusercontent.com/img/b/R29vZ2xl/AVvXsEhqj0fQOpTMERxOG4P1XAnWdwXtW4ZOYoLTd2bjG6e5qNgu0BrRmZpGjpcM57tH1z8t67BQQlqtUXCX0cqORhcNyodO_VnpzfLIjnm1fFxscrN3fs9jc43IJG8eeRlcV3BgdDXadS_glQ8/s1600/148.jpg)
ຂອບໃຈທີ່ມາ www.idsala.com