ຂ່າວ ເລື່ອງເລົ່າເຊົ້ານີ້ ລາຍງານ ເກີດເຫດການ ມີນັກໂທດຄຸກຈັງຫວັດເລີຍ ໄດ້ປົດໂສ້ທີ່ຄ້ອງຢູ່ກັບຕຽງຄົນໄຂ້ ຂະນະເຂົ້າຮັກສາຕົວຢູ່ໂຮງໝໍຈັງຫວັດເລີຍ ຫຼົບໜີໄປໃນຊ່ວງເວລາປະມານ 05.00 ໂມງ
ນັກໂທດທີ່ຫຼົບໜີ ຊື່ວ່າ ທ້າວ ເດຊາ ຄົນໃຫຍ່ ສັນຊາດລາວ ຖືກດຳເນີນຄະດີໃນຂໍ້ຫາ ລັກຊັບ ແລະລະເມີດ ພ.ຣ.ບ. ຄົນເຂົ້າເມືອງ ສານຕັດສິນຈຳຄຸກ 15 ປີ ຕິດຄຸກມາແລ້ວ 2 ປີ ຍັງເຫຼືອ 13 ປີ
ເມື່ອວັນທີ 14 ສິງຫາທີ່ຜ່ານມາ ທ້າວ ເດຊາ ນັກໂທດ ປ່ວຍເປັນງູສະວັດ ມີຕຸ່ມຕາມຕົນໂຕ ປວດແສບ ອອກຮ້ອນ ນອນບໍ່ໄດ້ ຈົນຕ້ອງນຳສົ່ງຕົວໄປໂຮງໝໍ ກ່ອນຈະຫຼົບໜີ ທາງໂຮງໝໍ ຈຶ່ງແຈ້ງເຈົ້າໜ້າທີ່ຕຳຫຼວດອອກໄລ່ລ້າຈັບກຸມຕົວມາດຳເນີນຄະດີ ໂດຍສະເພາະຢູ່ຕາມຈຸດຊາຍແດນ ລາວ-ໄທ
ອີງຕາມປະຫວັດແລ້ວ ນັກໂທດຄົນນີ້ຍັງຕິດເຊື້ອໂຣກເອດ ຕ້ອງໄດ້ເຂົ້າອອກໂຮງໝໍເປັນປະຈຳຢູ່ແລ້ວ ໃຜພົບເຫັນກະລຸນາແຈ້ງເຈົ້າໜ້າທີ່
ຄລິບຂ່າວ
