ໃນວັນທີ 22 ຕຸລາ ນີ້, ເວລາປະມານ 9:30 ໂມງ ເກີດເຫດຍິງກັນຢູ່ບ້ານນາວອນ ເມືອງຍອດອູ ແຂວງຜົ້ງສາລີ ມີຜູ້ເສຍຊີວິດ 1 ຄົນ ແລະ ໄດ້ຮັບບາດເຈັບສາຫັດອີກ 1 ຄົນ.
ຫຼັງຈາກເກີດເຫດ, ເຈົ້າໜ້າທີ່ຕຳຫຼວດ ໄດ້ເຂົ້າກວດສອບສະຖານ ທີ່ເຫດເຫດ ພົບຜູ້ເສຍຊີວິດຢູ່ຫ້ອງຄົນຂັບລົດກະບະ ຍີ່ຫຍໍ່ໂຕໂຍຕ້າ ສີຂາວ ໝາຍເລກທະບຽນ ກຣ 6989 ກຳແພງນະຄອນ, ສ່ວນຜູ້ໄດ້ຮັບບາດເຈັບໄດ້ນຳສົ່ງໂຮງໝໍ.
ສຳລັບລາຍລະອຽດຂອງການກໍ່ເຫດຍິງກັນໃນຄັ້ງນີ້, ເຈົ້າໜ້າທີ່ກຳລັງເລັ່ງສືບສວນຢ່າງລະອຽດ, ເຊິ່ງຄາດວ່າ ຈະມີບັນຫາເລື່ອງຜົນປະໂຫຍດຮ່ວມກັນ.
(ລາຍລະອຽດ ນັກຂ່າວ ປກສ ຈະແຈ້ງໃຫ້ຊາບອີກ)
