![](https://blogger.googleusercontent.com/img/b/R29vZ2xl/AVvXsEiuOl5pNjdhWxOmlDDuWgfFmtmSt9wqPV55glwB-6VGPdePO7QLppLNxb9m4t2CPLoby4n237clbDrL3QI74BUOSWGRszsyNjpm7O4dj5fj9wBuYulYW-VCBTaFIB5JHhK8NIE7pltQk3Ff/s1600/template_bknews.png)
ສະໂມສອນ ເລັສເຕີ ຊິຕີ້ ທິມແຊ້ມພຣີເມ໋ຍລີກ ລະດູການ 2015-16 ໄດ້ຖະແຫລງກ່ຽວກັບການເສຍຊີວິດເຈົ້າຂອງສະໂມສອນ ທ່ານ ວິໄຊ ສີວັດທະນະປະພາ ນັກທຸລະກິດຊາວໄທ ຈາກເຫດຍົນເຮລີຄັອບເຕີສ່ວນຕົວຕົກບໍລິເວນລານຈອດລົດຂອງສະໂມສອນ ໃນຄືນວັນເສົາທີ 27 ຕຸລາ ຜ່ານມາ ຫລັງເກມພຣີເມ໋ຍລີກ ນັດເລສເຕີ ຊິຕີ້ ເປິດບ້ານສະເໝີກັບ ເວັສແຮມ ຢູໄນເຕັດ 1-1.
![](https://blogger.googleusercontent.com/img/b/R29vZ2xl/AVvXsEhcYoLJ6xXJjTGZl90OwyWONLHojPN4YOCP9lM4PADkrA46SFWYvoDprNqP9gIQRTHMaKjVyiP-6KCQRZ20oy0mPegqJyWvednP89xAVmz4eLI3Vv8fDv6EG6O2Y9FTYOYzom9LNRvGIWdZ/s1600/44884540_2310494309179321_3061230582945021952_n-696x929.jpg)
'' ໃນນາມບໍລິສັດ ຄິງພາວເວີ, ສະໂມສອນ ເລັສເຕີ ຊິຕີ້ ແລະ ສະໂມສອນ ໂອເອັຈ ລູເວັນ (OH Leuven) ສຸດເສຍໃຈ ແລະ ອາໄລຢ່າງສຸດຊຶ້ງ ຕໍ່ກັບການສູນເສຍ ທ່ານ ວິໄຊ ສີວັດທະນະປະພາ ເຈົ້າຂອງສະໂມສອນເລັສເຕີ ຊິຕີ້ ພ້ອມດ້ວຍທິມງານອີກ 4 ທ່ານ ທີ່ປະສົບເຄາະຮ້າຍເສຍຊີວິດຈາກເຫດການຍົນເຮລີຄັອບເຕີສ່ວນຕົວຕົກບໍລິເວນລານຈອດລົດຂອງສະໂມສອນ ໃນຄືນວັນເສົາທີ 27 ຕຸລາຜ່ານມາ ''
![](https://blogger.googleusercontent.com/img/b/R29vZ2xl/AVvXsEg1n1UtiX0fl-fPNIIYDCoE4AEYwMBzGLJbLfOuyoX3mKH0OfIewxK1vadNOAvrTwoscQilqkfKLiqo6JHqI3m0FonLnYApHm9Fwf2tfiZom5wKt3pndfe3Nz1YW0DjZOT32kWhEs1g1ZfP/s1600/unnamed.jpg)
'' ຂໍສົ່ງກຳລັງໃຈໃຫ້ຄອບຄົວຜູ້ເສຍຊີວິດ ຈາກເຫດການດັ່ງກ່າວ'' ທ່ານ ວິໄຊ ສີວັດທະນະປະພາ ເປັນບຸກຄົນທີ່ມີຈິດໃຈດີງາມ, ເອື້ອເຟື້ອເພື່ອແຜ່ ເປັນບຸກຄົນທີ່ອຸທິດກຳລັງແຮງ ແລະ ກຳລັງຊັບ ຊ່ວຍເຫລືອສັງຄົມ, ສະໂມສອນ ແລະ ຄອບຄົວ'' ພວກເຮົາຈະຮັກສາຄວາມປາຖະໜາ, ວິໄສທັດທີ່ກວ້າງໄກຂອງ ທ່ານ ວິໄຊ ເພື່ອເປັນມໍລະດົກສືບທອດໃນອານາຄົດ'' ສຳລັບ ເຮລີຄັອບເຕີ ລຳດັ່ງກ່າວ ບັນທຸກຜູ້ໂດຍສານລວມ 5 ທ່ານ ລວມທັງ ທ່ານ ວິໄຊ ຜູ້ເຫັນເຫດການກ່າວວ່າ: ລະຫວ່າງບິນສຳຫລວດມຸມສູງບໍລິເວນອ້ອມຮອບສະໜາມ ຄິງພາວເວີ ໃນເມືອງເລັສເຕີ ເກີດເຫດການລັກສະນະເຕັກນິກຂອງຍົນຂັດຂ້ອງ ຈົນເກີດອຸບັດຕິເຫດຂຶ້ນ, ປະຈຸບັນເຈົ້າໜ້າທີ່ກຳລັງສືບສວນເຫດການດັ່ງກ່າວ.
![](https://blogger.googleusercontent.com/img/b/R29vZ2xl/AVvXsEjT4o4tdKmf0tLUFAtmmvrJo2pIf6KFnZ6VWepB3HU2BfD8JtSOL4PR6S8rUP0HeafvXYhio81vNaGqMpPqY3EeoegRMkJCx9uBmkSHIMbHaJwbnhhBpxcwS-wGA0rjfIlf1bvGH6HGOdr1/s1600/unnamed+%25281%2529.jpg)
ໃນວັນທີ 30 ຕຸລານີ້ ເປັນຕົ້ນໄປ ຈະເປີດໃຫ້ລົງສະໜາມສະແດງຄວາມໄວ້ອາໄລ ຕໍ່ການຈາກໄປຂອງ ທ່ານ ວິໄຊ ສີວັດທະນະປະພາ ເລີ່ມແຕ່ເວລາ 8:00 ເປັນຕົ້ນໄປ ແລະ ສະໜາມ King Power at Den Dreef ໃນເມືອງລູເວັນ ປະເທດແບນຊິກ (ເບວຢ້ຽມ) ສະໜາມຂອງທິມ ໂອເອັຈ ລູເວັນ (OH Leuven) ທິມໃນລີກ 2 ຂອງແບນຊິກ ທີ່ເປັນຂອງ ທ່ານ ວິໄຊ ສີວັດທະນະປະພາ.
![](https://blogger.googleusercontent.com/img/b/R29vZ2xl/AVvXsEjOFBQaxIdb8zGLLxnO8L7FgrTu5ZVZInCD_JYMW6zz2bDqY8M6kEtndx0zs_FOvtyEUiIDP8xdZgYTcOru18eL2UhpJlthAu6LEQ0vI3uxrd4PrHC3rtyte37ZXwMKJ3qHxD_275pLvhbg/s1600/45187505_1905072362895588_112234023794769920_n.jpg)
![](https://blogger.googleusercontent.com/img/b/R29vZ2xl/AVvXsEiaI3xMGDBnNjXVO-7WYfopA1IkOj0w6rMCqUq-0JURmiOQ4P7zpeLuyQhHAJ7rgnxZR6eEWvzLiqYcsMpm7b2rBO6s6bSpyp1nipZHFh3lFz3OZWEueA9uZHqx0NFHAbjbirRUmbfrI9yV/s1600/unnamed+%25282%2529.jpg)
Cr: ຂ່າວກີລາ Lao National TV
Photo: Leicester City Football Club