![](https://blogger.googleusercontent.com/img/b/R29vZ2xl/AVvXsEhFEV45lkmGtehoVP0uIWv-EoTskYz7FyBsVWLa3NPF1_usW_d3gqYpn42tMRgX-8fpBEFVGYVlh3bo40Cii3tBDFs47s4wLtNwvK-M5mEpVvNQSNLy1k5vYJHlcNTSFSqKtpJfKMN3ig0B/s1600/template_bknews.png)
ໃນວັນທີ 31 ຕຸລາ 2018 ທີ່ດ່ານພາສີສາກົນ ຂົວມິດຕະພາບ 1 ນະຄອນຫລວງວຽງຈັນ-ໜອງຄາຍ ເຈົ້າໜ້າທີ່ພາສີ ສາມາດຢຶດເງິນໂດລາສະຫະລັດໄດ້ 170.000 ໂດລາ, ໂດລາອົດສະຕຣາລີ 7.470 ໂດລາ, ເງິນເອີໂຣ 3.145 ເອີໂຣ ທີ່ຊຸກເຊື່ອງໃນກະເປົາເປ້ສີດໍາໃນລົດກະບະໝາຍເລກທະບຽນ ຂກ 6633 ກຳແພງນະຄອນ, ກຽມນຳເງິນຕາອອກນອກປະເທດ, ຕີເປັນມູນຄ່າເງິນກີບຫລາຍກວ່າ 1,5 ຕື້ກີບ.
![](https://blogger.googleusercontent.com/img/b/R29vZ2xl/AVvXsEis5GyBDlMQ-VU-oNM_4sJzHJ4PI-Oh4f5rg7LMwAKEFtlhLmtASO0IusMcFJZQrLcvh9M5m5oInWJJG-9vVduwkCyuNvlDn7DY5w-EuT-ghszJ9pT0k5bGuz0ruvU64MRFYva8JhDDTSf9/s1600/45187505_1905072362895588_112234023794769920_n.jpg)
ອີງຕາມການລາຍຂອງ ທ່ານ ບຸນແອງ ພັນທະວົງ ຫົວໜ້າດ່ານພາສີສາກົນ ຂົວມິດຕະພາບ 1 ໄດ້ໃຫ້ຮູ້ວ່າ: ໃນວັນທີ 31 ຕຸລາ 2018 ເວລາ 10:25 ໂມງ, ເຈົ້າໜ້າພາສີ ໄດ້ຮັບແຫລ່ງຂ່າວວ່າຈະມີການລັກລອບເງິນຕາອອກນອກປະເທດ. ພ້ອມກັນນັ້ນ, ຈຸງານກວດກາພາຫະນະ-ຜູ້ໂດຍສານ ແລະ ໜ່ວຍງານທີ່ກ່ຽວຂ້ອງໄດ້ກຽມພ້ອມກວດກາ, ພໍມາຮອດ ເວລາ 11:37 ໂມງ ໄດ້ພົບເຫັນລົດເປົ້າໝາຍ, ຈຶ່ງຂໍອະນຸຍາດກວດກາລະອຽດ ພົບເຫັນເງິນໂດລາສະຫະລັດຈໍານວນ 170.000 ໂດລາ, ໂດລາອົດສະຕຣາລີ 7.470 ໂດລາ, ເງິນເອີໂຣ 3.145 ເອີໂຣ ທີ່ຊຸກເຊື່ອງໃນກະເປົາເປ້ສີດຳໃນລົດກະບະໝາຍເລກທະບຽນ ຂກ 6633 ກໍາແພງນະຄອນ, ກຽມນຳເງິນຕາອອກນອກປະເທດຕີເປັນມູນຄ່າເງິນກີບຫລາຍກວ່າ 1,5 ຕື້ກີບ,ຊຶ່ງປັດຈຸບັນ ເງິນຈໍານວນດັ່ງກ່າວ ແລະ ພາຫະນະເຈົ້າໜ້າທີ່ພາສີໄດ້ຢຶດໄວ້ເປັນຂອງກາງ ເພື່ອດຳເນີນການຕາມລະບຽບພາສີ ແລະ ລະບຽບການຕ່າງໆ, ສ່ວນຜູ້ຕ້ອງຫາຈຳນວນ 3 ຄົນ (ຊາຍ 1, ຍິງ 2) ໄດ້ມອບໃຫ້ເຈົ້າໜ້າທີ່ ຕມ ປະຈຳດ່າ ສືບສວນ-ສອບສວນຕາມວິຊາສະເພາະ ແລະ ດໍາເນີນຄະດີຕາມລະບຽບການ ແລະ ກົດໝາຍຂັ້ນຕໍ່ໄປ
![](https://blogger.googleusercontent.com/img/b/R29vZ2xl/AVvXsEioN4v9Im6SRfdqOwslPRGopQbWefUaUGJeIEQCNeQU5YC4HftS3y6ukLZwr3IXM3bvu_RkGt1yc3yjIk-ndiF60m-Hqhclo24Q2GN-ObftwLrlWvpbIKAZqQiMVX4TOOn300S7p0Es0d_6/s1600/unnamed+%25281%2529.jpg)
![](https://blogger.googleusercontent.com/img/b/R29vZ2xl/AVvXsEiUP0O1vqafURgTLOW574h7Bo65theL_YnZUS2IPbqIGvkEOaaG7lBvEso7Fzh_r7jPPCQQFNaQGxXq5-CR-D9OWy9_5I8ChedBTe9-AmGV6lMnyWN0x9vMZw_c8GHErlDwlJmTvTRGs-Mq/s1600/unnamed+%25281%2529.png)
![](https://blogger.googleusercontent.com/img/b/R29vZ2xl/AVvXsEjzRwMbagfgr1YvJhdXzC0652qEBEsdxiJZ8P1LUgEJBMLmJlkaRrpSsZLOSs8EW2c-qwLkNFd3u9MMs-fl1nrpAykIlw0sXDXiM_t5SWC3vCzvqwXCAh3ZavLIjwc01rsE2MttWyPkOUh2/s1600/unnamed+%25282%2529.jpg)
![](https://blogger.googleusercontent.com/img/b/R29vZ2xl/AVvXsEiz5FqMbU6KT6Y54xnt3l1SWwHkJMMEKC5sOSU21O84Pgr4NAwemE1j70ffrCi2wvz2Zf83IwDY93e3-V_odmqcuI1oyPlN2VP_ytj5JWbJ1UQgzDG1Fg2PN_ccWwxEVWRCc2Pl_gDizDWO/s1600/unnamed.jpg)
ຂອບໃຈຂໍ້ມູນ: ວຽງຈັນໃຫ່ມ