ຮົງກົງ ຈັບຜູ້ລັກລອບຄ້າຄຳ 146 ກິໂລ(ມູນຄ່າ 84 ລ້ານໂດລາ) ທີ່ດັດແປງຄຳເປັນເຄື່ອງປ້ຳລົມ

ໃນວັນຈັນ (8 ເມສາ) ດ່ານພາສີຮົງກົງ ຈັບຜູ້ລັກລອດດັດແປງຄໍາທີ່ໃຫຍ່ທີ່ສຸດໃນປະຫວັດສາດສະໜາມບິນສາກົນຮົງກົງ ແລະ ຍຶດເອົາຄໍາ 146 ກິໂລ

ກົມພາສີຮົງກົງ ກ່າວໃນຖະແຫຼງການສະບັບນຶ່ງວ່າ ທອງຄຳທີ່ຍຶດໄດ້ນັ້ນ ແມ່ນໄດ້ນຳມາລະລາຍ ແລະ ປັ້ນເປັນຊິ້ນສ່ວນເຄື່ອງອັດອາກາດຕ່າງໆ, ລວມທັງປ້ຳມໍເຕີ, ສະກູ ແລະເກຍ, ຊາຍອາຍຸ 31 ປີ, ລາຍງານວ່າເປັນຜູ້ອຳນວຍການບໍລິສັດແຫ່ງໜຶ່ງ, ຖືກຈັບ ແລະ ໄດ້ຖືກປ່ອຍຕົວໃຫ້ປະກັນຕົວ ເພື່ອລໍຖ້າການສືບສວນຕື່ມອີກ. ເຈົ້າໜ້າທີ່ພາສີກ່າວວ່າ ພວກເຂົາໄດ້ຄົ້ນພົບໃນຂະນະທີ່ກວດສອບເຄື່ອງອັດອາກາດ 2 ໜ່ວຍໃນການຂົນສົ່ງຈາກຮົງກົງໄປຍີ່ປຸ່ນໃນວັນທີ 27 ມີນານີ້ ແລະ ຄາດວ່າມີມູນຄ່າ 84 ລ້ານໂດລາຮົງກົງ.

ທ່ານ Lao Yuk-Lung, ຮັກສາການຫົວໜ້າກົມຈັດຕັ້ງຂອງດ່ານພາສີ, ກ່າວວ່າ: “ນີ້ແມ່ນຄະດີລັກລອບຂົນສົ່ງຄຳທີ່ໃຫຍ່ທີ່ສຸດເທົ່າທີ່ເຄີຍມີມາໂດຍດ່ານພາສີຮົງກົງ.” ເຈົ້າໜ້າທີ່ຊີ້ບອກເຖິງບັນດາກຸ່ມທີ່ຈັດຫາເພື່ອຫຼົບໜີພາສີຢູ່ຍີ່ປຸ່ນ. ອາດຈະຢູ່ເບື້ອງຫຼັງການປະຕິບັດການດັ່ງກ່າວ

ທ່ານຫຼີເຄີ້ສຽງກ່າວຕໍ່ກໍລະນີດັ່ງກ່າວວ່າ: ກຸ່ມດັ່ງກ່າວໄດ້ລະດົມຄວາມຄິດວິທີການນໍາໃຊ້ພື້ນທີ່ແລະໂຄງສ້າງຂອງເຄື່ອງສູບອາກາດເພື່ອເຊື່ອງຄໍາ ແຕ່ຮູບຮ່າງທີ່ຜິດປົກກະຕິ ແລະ ນ້ຳໜັກທີ່ໜັກເປັນພິເສດຂອງອຸປະກອນ ໄດ້ພາໃຫ້ເຈົ້າໜ້າທີ່ພາສີຕ້ອງສົງໄສ.

ຮົງກົງແມ່ນໜຶ່ງໃນສູນການຄ້າຄຳໃຫຍ່ທີ່ສຸດໃນໂລກ ແລະ ລາຄາຄໍາໄດ້ເພີ່ມຂຶ້ນບໍ່ດົນມານີ້ຍ້ອນວ່ານັກລົງທຶນເລີ່ມຊອກຫາຄວາມຫມັ້ນຄົງຂອງຊັບສິນຈາກຄວາມບໍ່ແນ່ນອນທາງດ້ານພູມສາດແລະອັດຕາເງິນເຟີ້.

ຄໍາທີ່ລັກລອບເຂົ້າຮົງກົງ ເຄີຍຖືກກວດພົບ ສ່ວນໃຫຍ່ຢູ່ດ່ານກວດກາທາງບົກ ຕາມຊາຍແດນຮົງກົງ ແລະຈີນແຜ່ນດິນໃຫຍ່ ການກວດກາລົດບັນທຸກຂ້າມຊາຍແດນສາມາດນໍາໄປສູ່ການຄົ້ນພົບແຜ່ນຄໍາ ແລະ ການຈັບກຸມຄົນຂັບລົດບັນທຸກ