ສຳນັກຂ່າວຕ່າງປະເທດລາຍງານ 29 ພຶດສະພາ 2017 ວ່າ: ກອງທັບຟິລິບປິນໃຊ້ຂີປະນາວຸດນຳວິຖີໂຈມຕີກຸ່ມຕິດອາວຸດທີ່ຍັງຄົງກະຈາຍກຳລັງຢຶດຄອງເມືອງມາຣາວີ ຢູ່ເກາະມິນດາເນົາ ພາກໃຕ້ຂອງປະເທດຟິລິບປິນ ເມື່ອວັນເສົາທີ່ຜ່ານມາ, ເຊິ່ງຖືເປັນການໂຈມຕີດ້ວຍອາວຸດໜັກຄັ້ງທຳອິດ ນັບຕັ້ງແຕ່ເຫດຄວາມຮຸນແຮງໃນເມືອງມາຣາວີເກີດຂຶ້ນເມື່ອວັນທີ 23 ພຶດສະພາ 2017 ເນື່ອງມາຈາກປະຕິບັດການຂອງກອງທັບໃນການໄລ່ລ່າທ້າວ ອິສນິລອນ ຮາປີລອນ ຫົວໜ້າໃຫຍ່ກຸ່ມກໍ່ການຮ້າຍອາບູ ໄຊຢາບ ທີ່ເຊື່ອວ່າລີ້ຢູ່ໃນເຂດດັ່ງກ່າວ ເຮັດໃຫ້ກຸ່ມອາບູ ໄຊຢາບຕ້ອງຂໍຄວາມຊ່ວຍເຫຼືອຈາກກຸ່ມຫົວຮຸນແຮງເມົາເຕ ເພື່ອຕີຕ້ານປະຕິບັດການດັ່ງກ່າວຂອງກອງທັບ ເພາະທັງສອງກຸ່ມລ້ວນແຕ່ເປັນພັນທະມິດກັບກຸ່ມ IS.
![](https://blogger.googleusercontent.com/img/b/R29vZ2xl/AVvXsEgNUfKiS9z_kM7yFoytIBEbDVc2gxRs0vZzLaI76YAeCTzLHr0hjhgSTf-NlfWza8-dmRaBb4pnKE5siyRBp-L3qZv3uWpXPgq1BSUBcYIGltyg9iwYfis-2vrj1MvV3u0IdSfBPzDmmAg/s1600/82.jpg)
ການຍົກລະດັບການໂຈມຕີເກີດຂຶ້ນເນື່ອງຈາກມີການຢືນຢັນຈຸດພິກັດການຫຼົບລີ້ຂອງທ້າວ ຮາປີລອນ, ໂດຍທ່ານ ໂຈ-ອາ ເຮເຣຣາ ໂຄສົກກອງທັບຟິລິບປິນກ່າວວ່າ ສະຖາການຈະຈົບລົງເມື່ອໃດນັ້ນຢູ່ທີ່ເວລາໃນການຈັບກຸມ ຫຼື ຂ້າທ້າວ ຮາປີລອນ ຈະເກີດຂຶ້ນເມື່ອໃດ? ໂດຍມີລາຍງານຕົວເລກຜູ້ເສຍຊີວິດເພີ່ມຂຶ້ນເປັນ 97 ຄົນ ປະກອບດ້ວຍກຸ່ມຕິດອາວຸດຫົວຮຸນແຮງ 61 ຄົນ, ປະຊາຊົນ 19 ຄົນ, ທະຫານກອງທັບ 15 ຄົນ ແລະ ຕຳຫຼວດ 2 ຄົນ.
![](https://blogger.googleusercontent.com/img/b/R29vZ2xl/AVvXsEikbUCYGJCDtdx18rbu0KfAZ1afuMXHW9p6FzZCnHqukgtEJsRUVFboCeDC-Y7SNJUShslFodf-1pu_j83UhdzJl0Uq_ieW3XrmqkEm9ii3jYvFQVdY5Kn2N95Uxj2O01fIMt_8qinAniY/s1600/81.jpg)
ເຊິ່ງກຸ່ມ IS ໄດ້ອອກມາອ້າງຄວາມຮັບຜິດຊອບຕໍ່ການໂຈມຕີທີ່ເກີດຂຶ້ນ ກອງທັບຟິລິບປິນເປີດເຜີຍວ່າ IS ຍັງບໍ່ເຄີຍຍອມຮັບໃຫ້ເມົາເຕເຂົ້າເປັນເຄືອຂ່າຍຢ່າງເປັນທາງການ, ສ່ວນໃນດ້ານຂອງທ່ານ ເດວຟິນ ລໍເຣນຊານາ ລັດຖະມົນຕີກະຊວງປ້ອງກັນປະເທດຟິລິບປິນກ່າວວ່າ ທ້າວ ຮາປີລອນ ຫົວໜ້າກຸ່ມອາບູ ໄຊຢາບ ເຊິ່ງປະກາດຕົນເຂົ້າຮ່ວມກຸ່ມ IS ເມື່ອປີ 2014 ໄດ້ຮັບເງິນຈາກຊີຣີ 2 ລ້ານໂດລາສະຫະລັດ ເພື່ອໃຊ້ເປັນທຶນໃນການເຄື່ອນໄຫວຢູ່ເກາະມິນດາເນົາ.
CR: www.idsala.com