ອາກອນມູນຄ່າເພີ່ມ ຫຼື VAT (Value Added Tax)
ແມ່ນການເກັບອາກອນຈາກການຂາຍສິນຄ້າ ຫຼື ການໃຫ້ບໍລິການໃນແຕ່ລະຂັ້ນຕອນການຜະລິດ
ແລະ ການຈຳໜ່າຍສິນຄ້າ ຫຼື ໃຫ້ບໍລິການ ທັງຜະລິດພາຍໃນປະເທດ ແລະ
ນຳເຂົ້າຈາກຕ່າງປະເທດ.
ເວົ້າໃຫ້ເຂົ້າໃຈງ່າຍໆກໍຄື VAT ແມ່ນອາກອນປະເພດໜຶ່ງທີ່ເກັບຈາກການຂາຍສິນຄ້າ
ຫຼື ການບໍລິການ. ໂດຍໃນປັດຈຸບັນແມ່ນເກັບໃນອັດຕາ 10% ຂອງລາຄາສິນຄ້າທີ່ຂາຍ
ຫຼື ໃຫ້ບໍລິການ ( ໂດຍຈະເລີ່ມຈັດຕັ້ງປະຕິບັດໃນວັນທີ 1 ພຶດສະພາ 2024
ເປັນຕົ້ນໄປ)
ເຖິງແມ່ນວ່າຈະມີການເກັບອາກອນຫລາຍປະເພດແຕ່ມັນກໍຍັງບໍ່ພຽງພໍໃນການຈ່າຍສະຫວັດດີການຂອງພົນລະເມືອງ
ແລະ ການບໍລິການສາທາລະນະອື່ນໆ.
![อาจเป็นรูปภาพของ 2 คน และ ข้อความ](https://scontent.fvte2-3.fna.fbcdn.net/v/t39.30808-6/433125956_1484329965521730_5285868153100746144_n.jpg?_nc_cat=109&ccb=1-7&_nc_sid=5f2048&_nc_eui2=AeFIGcv9tbU60BOhtPIdIMswRL3HffMC9mpEvcd98wL2anOwkB6GYMI5_iOt3-QNe1pM_1CbN3y-QBqbEa-EZA5q&_nc_ohc=Ez2T6ts-zroAX95ykzL&_nc_ht=scontent.fvte2-3.fna&oh=00_AfAnBNQ_gBMAbizgMSsvsmE6V03cY4VVJRWJWE_vZ6B5Xw&oe=6612199B)
ດັ່ງນັ້ນ ການເກັບອາກອນມູນຄ່າເພີ່ມ
ຈະຖືກຈັດສັນເພື່ອໄປໃຊ້ໃນສະຫວັດດີການດ້ານສາທາລະນຸປະໂພກ, ການສຶກສາ,
ສາທາລະນະສຸກ, ຄົມມະນາຄົມ ແລະ ອື່ນໆ. ຖ້າຫາກປຽບທຽບການເກັບ VAT
ໃນປະເທດອື່ນໆຈະເຫັນໄດ້ວ່າ
ປະເທດທີ່ພັດທະນາແລ້ວຫຼາຍປະເທດຈະມີການເກັບອັດຕາອາກອນມູນຄ່າເພີ່ມໃນລະດັບທີ່ສູງກວ່າລາວ.
![What's the Standard Deduction for 2023 and 2024? | Kiplinger](https://cdn.mos.cms.futurecdn.net/QD3B58fDcaeg9xELQr7HHN.jpg)
ຊື່ງການເກັບອາກອນມູນຄ່າເພີ່ມ (VAT)
ລັດຖະບານໄດ້ມອບໃຫ້ຫົວໜ່ວຍທຸລະກິດທີ່ໄດ້ຈົດທະບຽນຖືກຕ້ອງ ແລະ
ເຂົ້າໃນລະບົບອາກອນມູນຄ່າເພີ່ມເປັນຜູ້ຈັດເກັບຈາກຜູ້ຊື້ສິນຄ້າແລະບໍລິການ
ຊື່ງຈະລວມໃນໃບບີນຂອງສີນຄ້າ,
ຫຼັງຈາກນັ້ນຫົວໜ່ວຍທຸລະກິດຕ້ອງໄດ້ນຳສົ່ງຈຳນວນເງິນດັ່ງກ່າວໃຫ້ແກ່ລັດຖະບານເພື່ອນຳໄປພັດທະນາແລະສ້າງສາປະເທດຊາດຕໍ່ໄປ.