ຜັກປັງ ເປັນພືດເກັບນ້ຳມີສອງຊະນິດ ຄື: ຜັກປັງຂາວ ສັງເກດທີ່ກ້ານຈະເປັນສີ ຂຽວມີດອກສີຂາວ ແລະ ຜັກປັງແດງກ້ານຈະມີສີແດງອົມມ້ວງອອກດອກເປັນສີບົວອ່ອນ ເຖິງຈະມີສີສັນຕ່າງກັນ ແຕ່ສັບພະຄຸນ ແລະຄຸນຄ່າທາງອາຫານຂອງຜັກປັງທັງ ສອງຊະນິດນີ້ຄືກັນດອກຜັກປັງມີລົດຊາດ ອອກຫວານໜ້ອຍໜຶ່ງ ຫຼື ຫວານໄປຈົນເຖິງ ຈືດ ຈິ່ງສາມາດໃຊ້ປຸງແຕ່ງອາຫານໄດ້ຫຼາກ ຫຼາຍຊະນິດທັງຂົ້ວ, ລວກກິນກັບແຈ່ວ, ໃຊ້ແກງຈືດ ຫຼື ປຸງເປັນອາຫານອື່ນໆໄດ້ ດ້ານຄຸນຄ່າທາງໂພຊະນາ ການຂອງດອກ ແລະໃບ ແມ່ນອຸດົມໄປດ້ວຍສານເບຕ້າແຄໂຣທີນ, ແຄນຊຽມ, ວິຕາມິນເອ ໃຜທີ່ຮູ້ສຶກວ່າຕາ ອ່ອນແຮງ ຫຼື ເຮັດວຽກໜ້າຄອມພິວເຕີຕະຫຼອດເວລາ ລອງຫາດອກຜັກປັງມາກິນບຳລຸງຮ່າງກາຍໄດ້ແລ້ວ ເພາະຈະຊ່ວຍເຮັດໃຫ້ສາຍຕາຂອງເຮົາດີຂຶ້ນ.
ວິທີເລືອກຊື້ ແລະ ເກັບຮັກສາ: ຕາມຮ້ານຄ້າ ແລະຮ້ານສຸຂະພາບບາງແຫ່ງມີດອກຜັກປັງເດັດຍອດແພ໊ກ ຮຽບຮ້ອຍແລ້ວຫາກຊື້ມາຈາກຕະຫຼາດສົດ ຫຼື ເກັບມາຈາກຮົ້ວເຮືອນໃໝ່ໆແລ້ວປຸງອາຫານບໍ່ໝົດຄວນເດັດ ຍອດອ່ອນ ແລະ ກ້ານທີ່ບໍ່ແຂງອອກແລ້ວເກັບຫໍ່ໃສ່ເຈ້ຍ ໜັງສືພິມ ຫຼື ເຈ້ຍອື່ນໆມ້ຽນໃສ່ໃນຊ່ອງຜັກຂອງຕູ້ເຢັນ ໄວ້ກິນໄດ້ດົນເປັນອາທິດ.
ທີ່ມາ http://news.com.la/detail/15721
