ຂປລ. ຕາມຂ່າວ ຕ່າງປະເທດ, ວັນທີ 29 ມີຖຸນາ 2016, ເຈົ້າໜ້າທີ ອົງການ ບໍລິຫານ ການບິນ ແລະ ອາວະກາດ ແຫ່ງຊາດ ສະຫະລັດ ອາເມລິກາ ຫລື ນາຊາ ໃຫ້ຮູ້ວ່າ: ໄດ້ທົດລອງ ຍິງຈະຫລວດ ລຸ້ນໃໝ່ ໃນລັດຢູທາຫາ ຂອງປະເທດນີ້, ເປັນຄັ້ງທີ 2 ເພື່ອນຳໃຊ້ເຂົ້າ ໃນການຂົນສົ່ງ ຍານອາວະກາດ ໃນຄັ້ງຕໍ່ໄປ. ຖ້າການ ທົດລອງ ຫາກປະສົບ ຜົນສຳເລັດ ຈະຫລວດ ດັ່ງກ່າວ ຈະຖືກ ນຳໃຊ້ເຂົ້າ ໃນການ ຕິດຕັ້ງ ຢູ່ຍານ ອາວະກາດ ເພື່ອນຳສົ່ງ ນັກບິນໄປ ສຳຫລວດ ດາວອັງຄານ ແລະ ດາວອື່ນໆ ໃນອະນາຄົດ./.
ແຫຼ່ງຂ່າວ ສຳນັກຂ່າວສານປະເທດລາວ
