ທ້າຍອາທິດຜ່ານມາ ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍ ທ່ານລັດຖະມົນຕີກະຊວງແຮງງານ ແລະສະຫວັດດີການສັງຄົມ, ລັດຖະມົນຕີກະຊວງກະສິກຳ
ແລະປ່າໄມ້, ລັດຖະມົນຕີ ປະຈຳສຳນັກງານນາຍົກ, ເຈົ້າແຂວງຫຼວງພະບາງພ້ອມດ້ວຍການນຳຂອງ ແຂວງ-ເມືອງລົງສຳຫຼວດການລະບາດຂອງຕັກແຕນຢູເມືອງວຽງຄຳ ເມືອງທີ່ ຖືກຕັກແຕນທຳລາຍເສຍຫາຍຫຼາຍກວ່າໝູ່ຢູ່ຫຼວງພະບາງ.
ໂອກາດດັ່ງກ່າວ ທ່ານ ອ່ອນຕາ ວັນ ນະຈັກ ເຈົ້າເມືອງວຽງຄຳ ກໍໄດ້ລາຍ ງານສະພາບການຈັດຕັ້ງປະຕິບັດການ ຄວບຄຸມ ແລະສະກັດກັ້ນການລະບາດ ຂອງຕັກແຕນທາງໜ່ວຍງານສະກັດກັ້ນ ປາບສັດຕູພືດແມ່ນໄດ້ເລີ່ມລົງມືແຕ່ ເດືອນກຸມພາເປັນຕົ້ນມາ ໂດຍທາງສູນ ປ້ອງກັນສັດຕູພືດ, ກົມປູກຝັງກະຊວງ ກະສິກຳ ແລະ ປ່າໄມ້ ແລະໂຄງການອາ ຫານເພື່ອການກະເສດ (FAO)ໄດ້ຝຶກ ອົບຮົມວິທີການສຳຫຼວດ ແລະການປາບດ້ວຍການນຳໃຊ້ເຄື່ອງຈັກ ແລະສານເຄມີໃຫ້ພະນັກງານວິຊາການຂອງຫ້ອງການ ກະສິກຳ ແລະປ່າໄມ້ ເມືອງ ພ້ອມທັງຈັດ ຕັ້ງປະຕິບັດຕົວຈິງໃນການປາບຕັກແຕນ ບໍ່ໃຫ້ແຜ່ລາມໄປສູ່ເມືອງໃກ້ຄຽງ, ນອກ ນີ້ໄດ້ລົງເຜີຍແຜ່ ແລະປຸກລະດົມໃຫ້ພໍ່ແມ່ ປະຊາຊົນປະກອບສ່ວນເຂົ້າຮ່ວມຂະ ບວນການປາບຕັກແຕນໃນບ້ານທີ່ມີການ ລະບາດຫຼາຍ ແລະໃຫ້ຄວາມສະດວກຕໍ່ ພະນັກງານ
ທີ່ລົງປະຕິບັດໜ້າທີ່ປາບສັດຕູພືດ ພ້ອມ ນັ້ນທາງເມືອງກໍໄດ້ເຮັດຢ່າງເປັນຂະ ບວນ ໂດຍການເຕົ້າໂຮມພະນັກງານ, ທະຫານ, ຕຳຫຼວດ ແລະປະຊາຊົນລວມ ທັງອຳນາດການປົກຄອງບ້ານ ພາຍໃນ ເທສະບານຈຳນວນ 6 ບ້ານ, ມີທັງໝົດ 192 ຄົນ, ແບ່ງເປັນ 3 ຈຸດ ໂດຍການ ເຮັດແບບວິທີພື້ນບ້ານເຊັ່ນ: ເອົາມຸ້ງ ກວດ, ໃຊ້ໄມ້ຟາດ, ແກດປ່າຈູດ ແລະ ການໃຊ້ຈັກຊີດດ້ວຍສານເຄມີ.
ສຳລັບການລົງສຳຫຼວດຕົວຈິງພົບ ເຫັນຈຸດລະບາດໃນທົ່ວເມືອງມີ 22 ບ້ານ, ມີ 38 ຈຸດຄື: ບ້ານຫາດຍາວ 6 ຈຸດ, ຫ້ວຍກວ້າງ 3 ຈຸດ, ກິ່ວໄລ່ໃຕ້ 2 ຈຸດ, ກິ່ວໄລ່ເໜືອ 3 ຈຸດ, ຈອງໃຕ້ 1 ຈຸດ, ບ້ານໃໝ່ 3 ຈຸດ, ໜອງຄຳ 2 ຈຸດ, ນ້ຳມີ້ 3 ຈຸດ, ລ້ອງຫຍ້າ 2 ຈຸດ, ຫ້ວຍທອງ 2 ຈຸດ, ພູຄ້ອງ 1 ຈຸດ, ນານ້ອຍ 1 ຈຸດ, ພູກາງ 1 ຈຸດ,ນາແວ່ 2 ຈຸດ, ຫ້ວຍພຽງ 2 ຈຸດ, ຫາດ ຫ່ຽນ 1 ຈຸດ ແລະບ້ານວຽງທອງ 3 ຈຸດລວມເນື້ອທີ່ທັງໝົດທີ່ລະບາດໃນປະ ຈຸບັນມີ 177,5 ເຮັກຕາ ພ້ອມນັ້ນພະນັກ ງານວິຊາການປາບຕັກແຕນຂັ້ນເມືອງ ຍັງໄດ້ສົມທົບກັບວິຊາການຂັ້ນແຂວງ ໄດ້ລົງປາບຕົວຈິງຢູ່ພາຍໃນເມືອງວຽງ ຄຳຈຳນວນ 10 ບ້ານ, ມີ 27 ຈຸດ, ໃຊ້ຜູ້ ຊີດຢາທັງໝົດ 186 ຄົນ, ຊາວບ້ານມາ ຊ່ວຍຂົນນ້ຳ 832 ຄົນ, ໄດ້ຊີດແລ້ວ 96,5 ເຮັກຕາ.
ໂອກາດດຽວກັນທ່ານນາຍົກລັດຖະ ມົນຕີຍັງໄດ້ໃຫ້ທິດຊີ້ນຳ ຊຶ່ງທ່ານໄດ້ຊົມ ເຊີຍຕໍ່ອຳນາດການປົກຄອງທີ່ໄດ້ ພ້ອມ ກັນປາບປາມສັດຕູພືດ ໂດຍສະເພາະແມ່ນ ຕັກແຕນທີ່ໄດ້ບຸກລຸກກິນພືດຜັກຂອງພໍ່ ແມ່ປະຊາຊົນເສຍຫາຍໄປເປັນຈຳນວນ ຫຼວງຫຼາຍ ແລະພ້ອມກັນປາບຕັກແຕນ ທັງເຝົ້າລະວັງບໍ່ໃຫ້ແຜ່ລາມໄປຂົງເຂດ ອື່ນ ໂດຍທ່ານນາຍົກໄດ້ເນັ້ນໜັກໃຫ້ພະ ນັກງານວິຊາການຈາກແຂວງ-ເມືອງ ແລະພາກສ່ວນກ່ຽວຂ້ອງລົງຕິດຕາມ ເປັນແຕ່ລະໄລຍະ ໂດຍນຳໃຊ້ເຄື່ອງຈັກ ຜົ່ນ, ຊີດຢາເປັນປະຈຳ ແລະທຳລາຍ ແຫຼ່ງໄຂ່ຂອງຕັກແຕນ, ໂຕອ່ອນ ເພື່ອບໍ່ ໃຫ້ມັນເກີດຂຶ້ນມາທຳລາຍຜົນລະປູກ ຂອງປະຊາຊົນ ແລະປ່າ ໄມ້ປ່ອງຕື່ມອີກ.
ໂອກາດດັ່ງກ່າວທ່ານນາຍົກຍັງໄດ້ ມອບເງິນ 50 ລ້ານໃຫ້ທາງອຳນາດການປົກຄອງເມືອງວຽງຄຳ ເພື່ອປະກອບສ່ວນເຂົ້າໃນວຽກງານປາບຕັກແຕນແລະນຳໃຊ້ເຂົ້າໃນວຽກງານທີ່ຈຳເປັນ ຂອງເມືອງ ຈາກນັ້ນວັນດຽວກັນ ທ່ານ ນາຍົກກໍໄດ້ໄປຢ້ຽມຢາມສູນກ້າເບ້ຍຕົ້ນ ໝາກກ້ຽງທີ່ບ້ານດອນຄຳ ເມືອງນ້ຳບາກແຂວງຫຼວງພະບາງ ພ້ອມໄດ້ແນະນຳ ໃຫ້ອະນຸຮັກແນວພັນໝາກກ້ຽງຫວານທີ່ມີຊື່ສຽງໂດ່ງດັງຂອງແຂວງຫຼວງພະ ບາງ ແລະໄດ້ພົບປະໂອ້ລົມການນຳຂອງ ເມືອງນ້ຳບາກ, ພະນັກງານອາວຸໂສ ແລະປະຊາຊົນຊາວເມືອງນ້ຳບາກ
ຂະນະທີ່ທ່ານນາຍົກລົງເຄື່ອນໄຫວວຽກຢູ່ແຂວງຫຼວງພະບາງ ທ່ານກໍໄດ້ ໃຫ້ທິດຊີ້ນຳບັນດາການນຳຂອງແຂວງ ເພື່ອໃຫ້ການພັດທະນາເສດຖະກິດ-ສັງ ຄົມ ຮອບດ້ານໄດ້ໄປຖືກທິດຕາມການຊີ້ ນຳຂອງພັກ ລວມເຖິງການແກ້ໄຂບັນຫາ ຄວາມທຸກຍາກຂາດເຂີນຂອງປະຊາຊົນ ບັນດາເຜົ່າໃຫ້ນັບມື້ນັບມີຊີວິດດີຂຶ້ນແລະຫຼຸດພົ້ນອອກຈາກຄວາມທຸກຍາກເທື່ອ ລະກ້າວ.
ທີ່ມາ http://www.sedthakid.la/index.php/home/domestic-news/item/7766-prime-surveys-outbreak-of-locusts-in-the-city-luang-prabang.html
