ລາຍການ ແມ໋ກມວຍໄທ ວັນອາທິດ ທີ 4 ກັນຍາ 2016 ຜ່ານມາ, ເປັນການຊົກລະຫວ່າງ ສິງໂຕທອງ ນັກມວຍ ລາວ ຈາກຄ່າຍ ຂວັນໃຈສີໂຄດ ແລະ ແສນເກັ່ງ ສ. ສົມບັດ ນັກມວຍຊາວໄທ ເປັນຄູ່ທີ 3 ທີ່ສະໜາມມວຍ ແມ໋ກສະເຕດ່ຽມ ພັດທະຢາ.
ຜົນການຊົກເປັນ ສິງໂຕທອງ ຂວັນໃຈສີໂຄດ ລຸຍເອົາຊະນະ ແສນເກັ່ງ ສ. ສົມບັດ ນັກມວຍຊາວໄທ ໄດ້ຢ່າງສົມໃຈ. ສິງໂຕທອງ ນຳໃຊ້ເທັກນິກ, ຄວາມແຮງໃນການອອກອາວຸດ ແລະ ເດີນໜ້າໃສ່ຄູ່ຕໍ່ສູ້ ຄົບ 3 ຍົກ ແລ້ວກໍ່ຄວ້າໄຊຊະນະ ໃນລາຍການນີ້ໄດ້.
ສຳລັບ ແມ໋ກມວຍໄທ ຄູ່ທີ 6 ເປັນ ເສືອໃຫຍ່ ສໍຄຸນລາວົງ ພົບກັບ ບຸນມາກ ເພັດອາສິຣະ ນັກມວຍໄທ, ຜົນການຊົກ ເປັນ ເສືອໃຫຍ່ ສໍຄຸນລາວົງ ພາດທ່າ ເສຍໃຫ້ກັບ ບຸນມາກ ເພັດອາສິຣະ.
ແຫລ່ງຂ່າວໄດ້ມາຈາກ : http://laosportnews.com
