ຜ້າອະນາໄມ ຫຼື Sanitary Napkin (Pad) ສິ່ງທີ່ສາວໆທຸກຄົນຕ້ອງໃຊ້ທຸກເດືອນ ແຕ່ຈະມີຈັກຄົນທີ່ໃຊ້ໄດ້ຢ່າງຖືກຕ້ອງ ມື້ນີ້ເຮົາເລີຍມີເລື່ອງກ່ຽວກັບ ຜ້າອະນາໄມມາຝາກສາວໆກັນ.
1. ປ່ຽນເລື້ອຍຢ່າງນ້ອຍ 2 ຜືນ ຄວາມອັບຊື້ນຈະເຮັດໃຫ້ແບັກທີເລຍໃນຜ້າເຕີບໃຫຍ່ໄດ້ດີ ຈົນເຈົ້າອາດຈະຕິດເຊື້ອໃນຊ່ອງຄອດ ຍິ່ງຖ້າສະສົມໄວ້ດົນໆ ຂໍບອກວ່ານີ້ຕົວການມະເຮັງປາກມົດລູກ.
2. ຫຼີກລ້ຽງບ່ອນປຽກ ບໍ່ຄວນເກັບຜ້າອະນາໄມໄວ້ໃນຫ້ອງນ້ຳ ເຖິງແມ່ນເຈົ້າຈະເກັບໃນລິ້ນຊັກຫ່າງໄກຈາກບັນດາກັອກນ້ຳແລ້ວກໍ ຕາມ ເພາະ ເນື້ອຜ້າທີ່ອ່ອນນຸ່ມ ອົມຄວາມຊື້ນໄດ້ດີ ເໝາະຈະເປັນທີ່ເຮຮາປາຕີ້ຂອງເຊື້ອພະຍາດເປັນທີ່ສຸດ ເພື່ອຄວາມປອດໄພຄວນເກັບຜ້າອະນາໄມໄວ້ໃນທີ່ທີ່ແຫ້ງສະອາດຢ່າງ ຕູ້ເສື້ອຜ້າຈະດີກວ່າ.
3. ອ່ານມື້ໝົດອາຍຸກ່ອນໃຊ້ ຜົນສຳຫຼວດບອກວ່າມີຜູ້ຍິງບໍ່ເຖິງ 1% ທີ່ຈະສັງເກດມື້ໝົດອາຍຸຂອງ ຜ້າອະນາໄມ ທັງໆທີ່ມັນກໍຄືກັບສິນຄ້າອື່ນໆ ຍິ່ງໃກ້ມື້ໝົດອາຍຸເທົ່າໃດຄຸນນະ ພາບກໍຈະແຮງຫຼຸດລົງ.
4. ຜ້າແບບຊຶມຊັບຫຼາຍປະໂຫຍດນ້ອຍ ຜູ້ຍິງບາງຄົນມັກໃຊ້ຜ້າອະນາໄມ ແບບຊຶມຊັບໄດ້ຫຼາຍໆ ເພື່ອທີ່ຈະບໍ່ຕ້ອງປ່ຽນເລີຍຕະຫຼອດມື້ ຂໍບອກວ່ານິ້ເປັນຄວາມຄິດທີ່ອັນຕະ ລາຍຫຼາຍ ເພາະເລືອດເປັນອາຫານຂອງເຊື້ອແບັກທີເລຍ.
ຫຼັກການໃຊ້ຜ້າອະນາໄມທີ່ຖືກຄືຕ້ອງປ່ຽນທຸກໆ 2 ຊົ່ວໂມງ ເພື່ອໃຫ້ສະອາດບໍ່ອັບຊື້ນ ວິທີນີ້ຊ່ວຍຫຼຸດໂອກາດການເປັນມະເຮັງປາກມົດລູກໄດ້ອີກທາງໜຶ່ງດ້ວຍ.
