ອີງຕາມຂໍ້ມູນຈາກມູນນິທິຊ່ວຍເຫຼືອຜູ້ປະສົບໄພ ແຂວງຄຳມ່ວນໃຫ້ຮູ້ວ່າ: ໃນມື້ນີ້ (13 ມີນາ 2018) ໄດ້ເກີດອຸບັດຕິເຫດລົດບັນຈຸນັກໂທດປິ້ນ ຢູ່ທາງໄປເມືອງນາກາຍ ແຂວງຄຳມ່ວນ ເຊິ່ງເປັນທາງຄ້ອຍຊັ້ນ ເຮັດໃຫ້ມີຜູ້ເສຍຊີວິດ ແລະ ບາດເຈັບຫຼາຍສິບຄົນ.
ຜູ້ບາດເຈັບຈຳນວນຫນຶ່ງແມ່ນນຳມາປິ່ນປົວຢູ່ໂຮງຫມໍ ເມືອງຍົມມະລາດເບື້ອງຕົ້ນ ຫຼັງຈາກນັ້ນກໍນໍາສົ່ງໄປໂຮງໝໍແຂວງຄຳມ່ວນ.
ສ່ວນສາເຫດ ລວມເຖິງລາຍລະອຽດອື່ນໆ ຕ້ອງລໍຖ້າການຢັ້ງຢືນຈາກເຈົ້າຫນ້າທີ່ອີກຄັ້ງ ເຊິ່ງທີມງານລາວອັບເດດຈະລາຍງານໃຫ້ຊາບຕື່ມອີກ.
ແຫຼ່ງທີ່ມາຈາກວີດີໂອ ຈາກມູນນິທິຊ່ວຍເຫຼືອຜູ້ປະສົບໄພ ແຂວງຄຳມ່ວນ Rescue Khammouan
