ແຄນາດາອະນຸຍາດເສບກັນຊາຖືກໝາຍເປັນຊາດທີ່ 2 ຂອງໂລກ
ເມື່ອວັນທີ 17 ຕຸລາ 2018 ທີ່ຜ່ານມາ ລັດຖະບານແຄນາດາໂດຍນາງຈູລີຢ໌ ພາແຢັດຕ໌ ຜູ້ຮັກສາການແທນພະອົງແຫ່ງແຄນາດາໄດ້ລົງນາມມັດຕິກົດຫມາຍເສບກັນຊາເພື່ອການຜ່ອນຄາຍມີຜົນບັງຄັບໃຊ້ແລ້ວ ສົ່ງຜົນໃຫ້ແຄນາດາກາຍເປັນຊາດທີ່ 2 ຂອງໂລກຕໍ່ຈາກອຸຣຸກວັຍ ທີ່ອອກກົດໝາຍອະນຸຍາດໃຫ້ປະຊາຊົນສາມາດຄອບຄອງແລະໃຊ້ກັນຊາເພື່ອການຜ່ອນຄາຍໄດ້
ສົ່ງຜົນໃຫ້ຄືນທີ່ຜ່ານມາຫຼັງຈາກຜ່ານຊ່ວງ 24:00 ໂມງ ບັນດາຮ້ານຄ້າກັນຊາຫຼາຍຮ້ານໃນເມືອງໃຫຍ່ໃນແຄນາດາແຖບຕະເວັນອອກຂອງປະເທດຢ່າງ ມອນທຣີອອນ ລັດໂນວາດໂກເຊຍ ແລະ ລັດນິວບຣັນສວິກ ເປີດຈຳໜ່າຍກັນຊາຢ່າງຄຶກຄືນ ນອກຈາກນີ້ຄາດວ່າພາຍໃນປີໜ້າຈະມີຮ້ານຈຳໜ່າຍກັນຊາເພີ່ມຂື້ນປະມານ 110 ຮ້ານທີ່ໄດ້ຮັບອະນຸຍາດຈາກທາງການເປີດຈຳໜ່າຍໄດ້
ສຳລັບກົດຫມາຍດັ່ງກ່າວນັ້ນອະນຸຍາດໃຫ້ບຸກຄົນທີ່ອາຍຸບໍ່ຕ່ຳກວ່າ 18 ປີ ຄອບຄອງກັນຊາແຫ້ງໄດ້ບໍ່ເກີນ 30 ກຣາມ ຫາກເກີນກວ່ານັ້ນອາດຕ້ອງຮັບໂທດຈຳຄຸກສູງສຸດດົນເຖິງ 14 ປີ
ເຊັ່ນດຽວກັບ ຫາກພົບວ່າມີການຈຳໜ່າຍກັຍຊາແກ່ຜູ້ເຢົາ ຫລືມີການນຳເຂົ້າ-ສົ່ງອອກ ຫລື ຂັບຂີ່ຢານພາຫະນະດ້ວຍຄວາມມຶນເມົາຈາກການເສບກັນຊາຈະມີໂທດຈຳຄຸກສູງສຸດເຖິງ 10 ປີ
ແຕ່ທັງນີ້ກໍຍັງມີຂໍ້ຈຳກັດໃນບາງລັດເຊັ່ນ ໃນລັດຄວິເບກແລະມານິໂທບາ ຫ້າມປະຊາຊົນປຸກກັຍນຊາ ແລະຈະຕ້ອງຊື້ຈາກຮ້ານຄ້າທີ່ທາງການອະນຸຍາດເທົ່ານັ້ນ ຂະນະທີ່ສ່ວນອື່ນຂອງປະເທດປະຊາຊົນສາມາດປຸກກັນຊາໄວ້ໃນເຄຫະສະຖານໄດ້ບໍ່ເກີນ 4 ຕົ້ນ ສ່ວນເມືອງໃຫຍ່ຂອງແຄນາດາຢ່າງ ນະຄອນໂຕນອົນໃຫຍ່ ລັດອອນແທຣິໂອ ນັ້ນ ຢັງບໍ່ມີການເປີດຈຳໜ່າຍຮ້ານຂາຍກັນຊາ ຈົນກວ່າຈະເຖິງຊ່ວງໃບໄມ້ປົ່ງປີໜ້າ ແຕ່ປະຊາຊົນສາມາດສັ່ງຊື້ຜ່ານເວັບໄຊຕ໌ຂອງລັດເທົ່ານັ້ນ
ຢ່າງໃດກໍດີ ການເປີດເສຣີກັນຊາຂອງລັດຖະບານແຄນາດາທີ່ນຳໂດຍນາຍົກລັດຖະມົນຕີ ຈັດສະຕິນ ທຣູໂດ ຈາກພັກເສຣີນິຍົມ ນັ້ນກໍໄດ້ສ້າງຂັດແຢງຢ່າງຫຼວງຫຼສຍ ເນື່ອງຈາກຫຼາຍຝ່າຍກັງວົນເລື່ອງຄວາມປອດໄພ, ອາດຊະຍາກອນ, ສຸກຂະພາບ ແລະອັນຕະລາຍໃນທີ່ສາທາລະນະຈາກຜູ້ເສບກັນຊາ.
ຮຽບຮຽງໂດຍ: YoulikeLao.com
