![](https://blogger.googleusercontent.com/img/b/R29vZ2xl/AVvXsEi81t4jAPlagN3jLo6H-UqHpfA2mZOfL9TFNX8ZuUyzBmf-yT_3Iqj-2OWpRmVRB98Q0MyRBhw4QKObzj0wwFbTNb2BRUzNX_EZRaDOCqR_ngRCDxxqLfcMTn2N2i66D_-gvmt24ex7Rzl-/s1600/template_bknews.png)
ໃນວັນທີ 6 ພະຈິກ 2018 ຜ່ານມາ ທາງເຈົ້າໜ້າທີ່ປະຈຳຈຸດກວດກາ ບ້ານນໍ້າເກິ່ງ, ເມືອງ ຕົ້ນເຜິ້ງ ແຂວງ ບໍ່ແກ້ວ ໄດ້ຮັບແຫຼ່ງຂ່າວ ຈາກພົນລະເມືອງດີວ່າ: ຈະມີການເຄື່ອນຍ້າຍຢາເສບຕິດຈາກເມືອງຕົ້ນເຜິ້ງຫາເມືອງ ຫ້ວຍຊາຍແຂວງ ບໍ່ແກ້ວ ດ້ວຍການຊຸກເຊື່ອງໃສ່ລົດກະບະຣີໂວ້. ຫຼັງຈາກໄດ້ຮັບແຫຼ່ງຂ່າວແລ້ວ ທາງເຈົ້າໜ້າທີ່ຈຶ່ງໄດ້ຕິດຕາມກວດກາລົດຄັນດັ່ງກ່າວ.
![](https://blogger.googleusercontent.com/img/b/R29vZ2xl/AVvXsEiEkBXwXFPYLE0eIc8ZKdOXzBZLRUq5fZwK4VKMlkOEDn_TUNOryEeMcuQxC-G_feZkX3CBuRggrYaZK9ZKUHORzVC3Nz64uu9WuS-wZraFXu_-V6SDJOf6lqjkgPxTU8juM6YamWiePsUB/s1600/Presentation1-8.jpg)
ເມື່ອມາຮອດຕອນເຊົ້າວັນທີ 7 ພະຈິກ 2018 ເວລາປະມານ 5:30 ໂມງ ຈຶ່ງໄດ້ພົບເຫັນລົດກະບະຣີໂວ້ ກຳລັງມຸ້ງໜ້າມາແຕ່ເມືອງຕົ້ນເຜິ້ງ ເມື່ອມາຮອດຈຸດກວດກາ ບ້ານ ນໍ້າເກິ້ງ ທາງເຈົ້າໜ້າທີ່ຈຶ່ງໄດ້ສັນຍານໃຫ້ລົດຄັນດັ່ງກ່າວຈອດ ເພື່ອກວດກາ ແຕ່ຄົນຂັບລົດບໍ່ຍອມຈອດ. ຈາກນັ້ນ, ທາງເຈົ້າໜ້າທີ່ ຈຶ່ງໄດ້ຂີ່ລົດໄລ່ຕາມໄປປະມານ 1 ກິໂລແມັດ, ແລ້ວຜູ້ຂັບຂີ່ລົດຄັນດັ່ງກ່າວ ແມ່ນໄດ້ຈອດລົດໄວ້ຂ້າງທາງ ແລ້ວເອົາຕົວຫຼົບໜີເຂົ້າປ່າ.
![](https://blogger.googleusercontent.com/img/b/R29vZ2xl/AVvXsEheHGeOBssnuZpwofD9HVmFF080Rn0C_R4MiSCsxoC3H7f4G4Dg2GRYcXkugxaoYXw1zMxrkzsBoYqFJAcP6he6P2bePUHgh7dKh7T9LOU2ju-UNvxAJr2BvvoxADZ5DZw0mbY1fJKHrR5R/s1600/46243621_1158118627678792_2831582843451211776_n.jpg)
ຜ່ານການກວດຄົ້ນລົດຄັນດັ່ງກ່າວແມ່ນໄດ້ພົບເຫັນຢາເສບຕິດ ເປັນປະເພດຢາບ້າ ຈຳນວນ 15 ກະສອບ, ລວມມີ 1.500 ມັດ ເທົ່າກັບ 3 ລ້ານເມັດ ຊຸກເຊື່ອງຢູ່ພາຍໃນລົດ ແລະ ໄດ້ພົບເຫັນປ້າຍທະບຽນລົດໝາຍເລກ ກພ 5404 ກຳແພງນະຄອນ ທີ່ເປັນປ້າຍທະບຽນຂອງລົດຄັນດັ່ງກ່າວ ແຕ່ຜູ້ຂັບຂີ່ລົດໄດ້ປ່ຽນອອກ ແລ້ວເອົາທະບຽນປ້າຍສີຟ້າ ໝາຍເລກທະບຽນ ກຂ 1359 ກຳແພງນະຄອນ ປ່ຽນໃສ່ແທນ.
![](https://blogger.googleusercontent.com/img/b/R29vZ2xl/AVvXsEjNNHalMMI3XT-_R5JyaCmMq1DxxpIzIETnDJ6-eXG8Nu2FSXj0170mlzRJJdlP4nyeohyphenhyphenbYWV4iKKIhse0lJhKXpMnSg51bomErXbDxv2uJA5qmacup_iejtch58jxHf8D0V2shGJetlX0/s1600/46282554_1158118684345453_1375677857405075456_n.jpg)
ຜ່ານການລວບລວມຂໍ້ມູນຢູ່ພາຍໃນລົດ ຈຶ່ງໄດ້ຮູ້ວ່າ: ເຈົ້າຂອງລົດ ຊື່ ທ້າວ ບຸນຍືນ ເຊຍທໍ່ຊົງ ຈີນູຊໍ່ເຢຍ ອາຍຸ 28 ປີ, ອາຊີບ ສ້ອມແປງລົດ ຢູ່ບ້ານ ວຽງທອງ, ເມືອງ ວຽງຄຳ ແຂວງ ຫຼວງພະບາງ, ເຊິ່ງຜູ້ກ່ຽວໄດ້ມາເປີດຮ້ານສ້ອມແປງລົດ ຢູ່ບ້ານ ອຸດົມ ເມືອງ ຫ້ວຍຊາຍ ແຂວງ ບໍ່ແກ້ວ.
![](https://blogger.googleusercontent.com/img/b/R29vZ2xl/AVvXsEjUKWmVSyJI6gAOXxcDYg2tOegADE1X_pyg2SyXkobhhDnWerKLUrH9hYt6n4KRUMEQ7RbTWydvvtdKCLDURiCBQf_XdBaBbuFUOn6pwJKF6kfr2qEVY8VUCoI59HH3EM8_F6H13HNYEbx0/s1600/46237076_1158118584345463_5626530788393615360_n.jpg)
ປັດຈຸບັນທາງເຈົ້າໜ້າທີ່ ກຳລັງດຳເນີນການສືບສວນ-ສອບສວນ ແລະ ຂໍຄຳສັ່ງຈັບຕົວຜູ້ກ່ຽວມາດຳເນີນຄະດີຕາມລະບຽບກົດໝາຍບ້ານເມືອງຕໍ່ໄປ.
![](https://blogger.googleusercontent.com/img/b/R29vZ2xl/AVvXsEgw7L27M8oPamlfbAQbaf1NOYkabP37BxJAyvlO8nR6DXAohA_sTtw4JkbU0sJl6sOrRK3lC0arlz7p-PhAPdySVJLfhjiqAMKTE4wSU9eu9FyDNl_zWd9p2T320U6fGiNkDTiOnOtqjSDq/s1600/46250290_1158118621012126_5991580528694788096_n.jpg)
![](https://blogger.googleusercontent.com/img/b/R29vZ2xl/AVvXsEjZ_95ABUy1qpphF-mbWkgRi2wV95hpOKwMxR3UixpZrlojVmTgLdYWnpYHXcgMniNNFinq9PoLeQVrIG3Jn4C-ZHWR1chRzEXRyFkz8AqG3yKeFmK_blhjqtvrH71LTtQIB1bVXtOeBf3A/s1600/46398033_1158118571012131_6056836784321462272_n.jpg)
![](https://blogger.googleusercontent.com/img/b/R29vZ2xl/AVvXsEhTW5m8QCH17TriLWCzeivE1RvS-KxyzfEOtgt7iZEsyK_4JzqupcUAse9UfS-ImFT5OXn4BunYnEfUXSNJIg_luJ2_OgxWxltWh8vQvk0F8nlP1rWCYM2dd8Dne65kkc00QVnwkkTV9Euj/s1600/46248103_876977069172512_4858848260892131328_n.jpg)
![](https://blogger.googleusercontent.com/img/b/R29vZ2xl/AVvXsEgainEPyyFxm6dRob7Q-BPorXX1JXLvlLvVeVOY0KCFzB5Tcxx1JyvNlGL3uY2md4uHSd5S-rNc_ca9Qanqec8ukIsMpoJTE9gBmHN7Qrr_NEVOEbTndZNDK-LPbeBSGFuUHKdndNxj9sOn/s1600/46281437_876977149172504_6989064576994115584_n.jpg)