![](https://blogger.googleusercontent.com/img/b/R29vZ2xl/AVvXsEggfK8ozc47IjGdb8vvc7HP_xLSoiZkUecZ1zfa-fpM7SjVBGuID8ZclVmtMk5YSrDOTgIRhJlHNnoESNWvVrztLqDsWNDUgqjtHsgXNf4Fg0RuFgJzcx1q-9BWiUj0d7TmrFyt6xgeNuhh/s1600/template_bknews.png)
ເມື່ອວັນທີ່ 6 ພະຈິກ 2018 ທີ່ຜ່ານມານະຄອນຫຼວງວຽງຈັນ ປ່ອຍສັດປ່າຫວງຫ້າມບັນຊີໜຶ່ງ ທີ່ເປັນເຄື່ອງຂອງກາງທີ່ກອງກວດກາປ່າໄມ້ ນະຄອນຫຼວງວຽງຈັນ ໄດ້ຮັບຈາກກົມຕໍາຫຼວດສິ່ງແວດລ້ອມ ຕາມບົດບັນທຶກ ມອບ-ຮັບສັດປ່າຫວງຫ້າມບັນຊີໜຶ່ງ ຄັ້ງວັນທີ 2 ພະຈິກ 2018 ກັບຄືນສູ່ທໍາມະຊາດ ຂະນະທີ່ສັດປ່າຕາຍ ແລະ ຊິ້ນສ່ວນສັດ ແມ່ນໄດ້ມີການທໍາລາຍຖິ້ມ.
![](https://blogger.googleusercontent.com/img/b/R29vZ2xl/AVvXsEi1oCWNbmnZNhfUDmRinw7B5aq_TXUndreWvO9T0AXDOcZWdaEHGKKvaMBso4MSSrhTOU9Q9wtpKZs8rRV95VYsmo4tGF9my0WxYRkRMR4paqyttuxsRV8rwn5t-xMD1YYcGZLgyTp_cE6M/s1600/45500462_2183950191639970_5174014318282276864_n.jpg)
ສັດປ່າຈໍານວນດັ່ງກ່າວ ກົມຕໍາຫຼວດສິ່ງແວດລ້ອມ ຢຶດໄດ້ໃນຄັ້ງວັນທີ 2 ພະຈິກ 2018 ຢູ່ເຮືອນຂອງ ທ້າວ ຕຸ້ຍ ເຮືອນເລກທີ 249 ໜ່ວຍ 19 ບ້ານຊໍາເກດ ເມືອງສີໂຄດຕະບອງ ນະຄອນຫຼວງວຽງຈັນ ເຊິ່ງມີສັດປ່າທັງໝົດຄື: ໂຕເຮ່ຍເປັນ 225 ໂຕ ນໍ້າໜັກ 923,9 ກີໂລ ໂຕເຮ່ຍຕາຍ 10 ໂຕ ນໍ້າໜັກ 33 ກິໂລ ໂຕລິ້ນຕາຍ 4 ໂຕ ນໍ້າໜັກ 3,5 ກິໂລ ໂຕກັບແກ້ຕາຍ 2 ຖົງ ນໍ້າໜັກ 2,8 ກິໂລ ໂຕກັບແກ້ແຫ້ງ 127 ໂຕ ນໍ້າໜັກ 9,7 ງູເຫຼືອມ 1 ໂຕ ນໍ້າໜັກ 75 ກິໂລ.
![](https://blogger.googleusercontent.com/img/b/R29vZ2xl/AVvXsEj6i1pGvnYgJit95y491Y2Hv6UKOBdEtBuxuRnP3eCmQz90WS8qKLQci_pkEyjfty5hpE7EaNXPKua-VNUCG4-_R52D5-_fUChzYIcWQ-FfjRgSz8o14mbrcNXKeAquI3To2ytl_xsq6sU0/s1600/45562628_2183950184973304_5292082187565268992_n.jpg)
ພິທີປ່ອຍສັດປ່າຫວງຫ້າມບັນຊີໜຶ່ງຈໍານວນດັ່ງກ່າວ ຄືນສູ່ທໍາມະຊາດ ຈັດຂຶ້ນທີ່ເຂດປ່າສະຫງວນແຫ່ງຊາດ ພູເຂົາຄວາຍ ເຊິ່ງເປັນພື້ນທີ່ອຸດົມສົມບູນ ມີ ທ່ານ ແສງອາລຸນ ສຸລິຍະວົງ ຮອງຫົວໜ້າພະແນກກະສິກໍາ ແລະ ປ່າໄມ້ ນະຄອນຫຼວງວຽງຈັນ ຜູ້ຊີ້ນໍາວຽກ ງານກວດກາປ່າໄມ້ ພ້ອມດ້ວຍບັນດາຄະນະນໍາ ກົມກອງ ຫ້ອງ ການ ແລະ ໜ່ວຍງານກ່ຽວຂ້ອງເຂົ້າຮ່ວມ.
![](https://blogger.googleusercontent.com/img/b/R29vZ2xl/AVvXsEiwPfhvfFD1kz6Gs8ceBDldwgd55HwOHBQ_gF1iVNCGJoH3zCSYsFLVUPqp2YThf1CaJGgNroMaI3hn0zvj-ax1aSIlUAKoeFLxUVEB1fnqoK10MYTRIxsR2x6Z9NRSXytUtqhnoYI7ohj_/s1600/45571206_2183950198306636_6824330548010287104_n.jpg)
![](https://blogger.googleusercontent.com/img/b/R29vZ2xl/AVvXsEiQCaidpMmaIAjH7zMjV773DB-WV01O9f41Z34HVyanUnizUTHR4GEqlLzktruvDsvaeqTEAWsUl7-40oZx7znmP6nu5edYe01RXOr8GW3Rv4fucJpga6sKiMUDY61HfMWvmEG23g9txqai/s1600/45638635_2183950321639957_3151632961556709376_n.jpg)
![](https://blogger.googleusercontent.com/img/b/R29vZ2xl/AVvXsEhHH0PQGUvlvTT1vY51dR9s02HRlT6MW-qEjJMjxebmH1BYTt-Zlc_mRfMQzAbO1fsm3BvexlJY94SLD4rWjHkiLe5QTkHazUeUNoPE1nSrKAMQ6cUfSvKOrST8I23lEhm6VoQRmc1bVwOQ/s1600/45650845_2183950314973291_1974100783242674176_n.jpg)