ອີງຕາມຜູ້ໃຊ້ບັນຊີເຟສບຸກຊື່ວ່າ: ກົງແສງ ມະນີວົງ ໄດ້ລາຍງານ ເຫດງູຈົງອາງກັດຄົນເສຍຊີວິດ ທີ່ບ້ານໂພນບົກ ເມືອງອາດສະພອນ ແຂວງສະຫວັນນະເຂດ ຕາມການລາຍງານ ຜູ້ເສຍຊີວິດເປັນເພດຊາຍ.
ກ່ອນເກີດເຫດລູກຊາຍ ແລະ ນ້ອງສາວໄດ້ໄປນານຳພໍ່ ບັງເອີນເຫັນງູໄລ່ເຊິງກັນ (ຝັ້ນກອດກັນ) ແລ້ວແລ່ນເຂົ້າຮູ ຫຼັງຈາກນັ້ນລູກຊາຍໄດ້ຈັບຫາງງູໄວ້ໝົດທັງສອງໂຕ (ຍ້ອນບໍ່ຮູ້ວ່າແມ່ນງູຈົງອາງ) ສວ່ນນ້ອງສາວແມ່ນແລ່ນໄປນຳພໍ່ຢູ່ຖຽງນາ.
ເມື່ອຮູ້ແນວນັ້ນພໍ່ໄດ້ກັບມາຫາລູກຊາຍເພື່ອຂ້າງູ ໂດຍ ພໍ່ໄດ້ດຶງໂຕທີໜຶ່ງອອກມາຂ້າຕາຍສໍາເລັດ ຕໍ່ມາໄດ້ດຶງໂຕທີສອງອອກມາ ພໍດຶງອອກມາໄກ້ຈະຫວິດຮູ ງູໄດ້ຕອດນິ້ວມື ແຕ່ຜູ້ກ່ຽວກໍ່ໄດ້ຂ້າງູຈົນສຳເລັດ ແລ້ວກໍ່ຍ່າງເມືອຖຽງນາບອກເມຍວ່າງູກັດ ຫຼັງຈາກນັ້ນຈຶ່ງພາກັນຂັບລົດໄຖນາກັບບ້ານເພື່ອຈະໄປໂຮງໝໍ ແຕ່ພໍໄກ້ຈະຮອດບ້ານ ສັງເກດວ່າຕົນໂຕຜູ້ເປັນພໍ່ໄດ້ແຂງໂຕ ແລະ ເສຍຊີວິດແລ້ວ.
ຂໍສະແດງຄວາມເສຍໃຈຕໍ່ຍາດຜູ້ເສຍຊີວິດດ້ວຍ
